بسم الله الرحمن الرحيم
نبدا اول شي ب الروضة :
صراااحة الروضة كانت اسوء مراحل حياتي , كانت سيئة جدا يمكن لاني كنت ضعيف وشرير في نفس الوقت بس اللي افتكره اني كنت مؤدب XD ..... المهم ما ح اتكلم عن هذه المرحلة بالذات .
الابتدائية :
احلى مرحلة في الحياة هي المرحلة الوحيدة اللي شوفت فيها ابوي في المدرسة وبعد كذا ما شوفته ولا شافني في المدرسة , و الشي الوحيد اللي تدخل ابوي فيه هوا مكان جلوسي , كنت جالس اخر واحد في الفصل ما كان عاجبه بس كلم المدرس والمدرس حطني قدام اول شي وطبعا كرهت هذا الشي بس ايش نسوي ما نقدر نقول شي . و احلى شي كان في الابتدائية انو واحد من اخواني كان معاي وسبحان الله صاحب اخوي عنده اخ بعمري فكان اخوي و صاحبه يمشون جنب بعض و كل واحد اخوه يمشي وراه , فكنا اربعه يعني اثنين قدام و اثنين ورا فتعرفت على اخو صاحب اخوي و صار احسن صديق ليا و كان انسان دب و لطيف عكسي تمام في الجسم ^^ , لكن بعد ما اخوي خلص الابتدائية بدانا مرحلة " دبر نفسك يا عزيزي " .
الغش و فؤاده :
من اكثر المواقف الغبية اللي صارلتي في الابتدائية حركة غش , كنت ما اعرف اكتب و كنت اكره الاملاء ف كنت اطر اني اغش , المهم اللي كنت اسويه اني اكتب نص الاملاء في الدفتر بخط خفيف جدا سويتها مرة مرتين ولكن في الثالثة لم تفلح و من غباء اني كنت اغش وانا اول واحد عند المدرس , المهم , كفشني المدرس و انا وقتها خلاص انعدمت ببكي و كل شي , سالني ايش هذا ؟! , ف جوابي كان ........ امي كتبتلي هوا :"( , وكان اغباء جواب في حياتي . وبعدها صار عندي عقدة من الغش و التغشيش , صرت ما اغش ولا اغشش حتى لو كان اعز اصحابي مستحيل اغشش الى هذا اليوم .
و اطحس شي كان يصير في الابتدائية على وقتي , انك تلبس مداس (اعزكم الله) ايام الاختبارات و استلام التقارير XD .
في الابتدائية كنت نادرا ما انضرب من المدرسين واذا انضربت ما ابكي بس الدمعة خلاص شوية و تنزل . وكرهت كل المدرسين , و كنت اخاف من المدرس اذا ما حليت الواجب لدرجة في مرة , كان علي تسمع قران و ما حفظت سالني المدرس ليش ما حفظت ؟! , بدات ابكي و اسوي مسلسل درامي قوتله .... عمتي ماتت (الله يرحمها) هي ما ماتت ولا شي بس الدموع لاني كنت خايف من المدرس XD .
و خلصنا الابتدائية الحمدلله بشاهدة طيبة اول ثلاث مراحل كلها 1 , كنت اسال امي ليش يعطوني واحد ليش ما يعطوني خمسة ولا عشرة ؟! >>> الله يا حليلي براءة الطفولة XD , اما باقي المراحل حتى سادس كانت نسب طيبة الحمدلله ^^ .
المتوسطة :
ثلاث سنين اتعرفت فيها على مجوعة اصحاب كويسين الحمدلله و احلى اصحاب بس في اثنين كانو نفسية و ما كنت اطيقهم و طبعا ما كانو اصحابي و احد منهم كان مرجوج و الثاني كان جدا نفسية يقعد لحاله و ما يتكلم بس بعدين صارو احلى اصحابي في الثانوية <<< خخخ شطحت المهم , و في المتوسطة انتشرت حركات قلة الادب و الكلام البذيئ بس الحمدلله بفضل الله ثم بفصل تربية امي و ابوي ( الله يحفظهم ) ما عمري اتكلمت و لا سويت شي من الحركات البذيئة >> ملاك ماشاء الله علي XD , في المتوسطة و حتى الان اكره اي احد يمسك شعري ليش .... حتى انا ما اعرف ليش بس كذا ما احب .
من صغري و انا كره شي اسمه اللغة العربية , قواعد , نصوص , املاء وفي المتوسطة الحمدلله اني نجحت و ما اخذت دور تاني كنت ماخذ ما بين 15-13 درجة في الاختبار النهائي .
الثانوية :
هذه المرحلة احلى مرحلة لا لا جد هذه احلي مرحلة مهي مثل الابتدائية ولا المتوسطة هذه احلي مرحلة , اولى ثانوي كان معايا واحد نفسية اتعرفت عليه و الحمدلله انه نقل , المهم انا كان قلبي طيب كنت اقعد مع ذا النفسية حتى نقل الحمدلله . فاكرين ذوك اللي كانو واحد نفسية ساكت و الثاني مرجوج , في الثانوية اتعرفت عليهم بعد ما نقل النفسية الاول >>> مصاحب نفسيات انا :"( حزنت ع نفسي XD , المهم المرجوج و الساكت اتضح لي انهم "اوتاكو مثلي" يعني نحب الانميات و كذا ^^ + انا ما اعرف هما عقلو في الثانوية ولا مثل ما هما :\ ؟! بس طلعو اصحاب و النعم فيهم :") .
المرحلة الوحيدة اللي كتبت فيها على الماصة و شخمطت و كل شي بدون اي خوف او تهديد من المدرسين مثل الابتدائية و المتوسطة في الثانوي , من الاخير الثانوية هي معني كملة "الزحفان" .
في ثاني ثانوي كانت مرحلة معروفة ب اسوء المدرسين و خاصتا مدرسين الفيزياء بس انا كان عندي مدرس طبعا كل الطالب يكرهوه بس انا لا كان مدرس يدي المادة حقها يعني اذا ما عندك اساسيات ما حتمشي عنده بس والكل كان يكره , اما ثالث ثانوي جاء مدرس فيزياء مبسط المادة اكثر شي و بس كان يعطينا تعويض مباشر , كان مررره سيئ بالنسبة لي بس بالنسبة للطلاب هوا المدرس "المنشود"حقهم , و بكل امانة مدرس ثاني ثانوي حببني في الفيزياء اما ثالث كرهت المادة و كرهت المدرس .
ثالث ثانوي : هي المرحلة اللي تكون فيها مضبط المدرسين و كلهم يعرفوك , تسحب على الحصص ما تداوم عادي جدا , في هذه السنة كنت احيانا اروح انا و واحد من اصحابي عند الوكيل و نكذب عليه عشان نستاذن وخاصتا اذا كان اختبار القدرات قريب , صح كان يحشرنا و يكفشنا بس عادي يعرفنا كان يطلعنا .
النفسية الثالث :
في ثالث ثانوي على اخر الايام كان في طالب من بداية السنة لحاله حاله حال نفسة فقلت لنفسي خليني اتعرف عليه ( مالت عليا و على نفسي الطيبة ) الطيبة كانت قاتلتني وقتها , المهم قعدت مع النفسية حصة وحدة بس و اتكلمنا وضحكنا شويتين خلص الدوام رجعت البيت و كل حاجة يوم طبيعي , في الليل و انا رايح اصلي العشاء اتفاجاة و اشوفه في المسجد و من بعد ذاك اليوم حتى هذا اليوم و هوا " لصقة " و انا الى الان ما اعرفله حل :\ .
النهاية :
وخلاص الحمدلله كذا اتوقع اني لخصت حياتي و للاسف حسيت انها قصيرة :") , طبعا في مواقف ما ذكرتها بس , حاذكرها ان شاء في المواضيع الجايه ^^ .
ليست هناك تعليقات:
إرسال تعليق