بسم الله الرحمن الرحيم
عندما ادخل وارى الالوان الجميلة و المساحه الشاسعه (صراحه الغرفة صغيرة يعني بس انا اشوفها واسعه :) ) و الروائح الفاتحه للنفس لون ازرق فاتح على يساري و ازرق غامق على يميني و لون ارجواني يغلبه الابيض خلفي و لون اسود على بني امامي , والسرير المريح و الناعم و عليه غطاء ذا اللون الارجواني الفاتح في منتصف الغرفة و المكتب بجانب السرير و ساعة حائط على الجدار ذو اللون الابيض الارجواني , ساعه ذي ثلاثة الوان ارجواني يغلبه الابيض مثل لون الجدار و تلك الارقام الحمراء و العقارب السوداء و نافذة بقرب احدى زاية الغرفة مطلة على الجيران ( المفروض تكون على شارع ولا على بحر بس الحمدلله اصلا الشارع ازعاج و البحر ما احبه XD ) امام المكتب لتعطي الغرفة انارة طبيعية و جميلة , و بجانب النافذة توجد ثلاثة ارفف اثنين منهما سوداء و واحد ابيض عليهما بعض التحف الفنية و الدمى و بعض الكتب الاسطورية , وستارة بنية اللون , و مرآة بيضاء على الجدار المطلي باللون الازرق الغامق و بجانبها خزانة الملابس ذات اللون البني الغامق المريح للعين و يتوسطهما سلة غسيل مستطيلة الشكل سوداءة اللون , و فوق حزانة الملابس توجد ثلاثة صناديق ذات الالوان : الوردي , الاسواد , الرصاصي مليئة بالكتب و الملفات القديمة .
آآآآآخ غرفتي غرفتي كم احبها و اموت فيها هي حياتي كلها ( وخاصتا بعد ما اخوي الصغير خرج XD ) ، اممم صراحه مو كل حياتي في الغرفة بس 90% من حياتي متعلقة بغرفتي اما الباقي 5% في المطبخ او الصاله أكل و أكل بس XD ، و الباقي 5% اي مكان ، غرفتي الحمدلله مكانها استراتيجي وكذا جنبها في حمام ( اكرمكم الله ) و امامها المبطخ و كل شي قريب مني و لكن ...... في اشياء احسها كذا تصير تخلني اكره نفسي و غرفتي و كل شيء .
المطبخ :
صح انه المطبخ حلوه جنبي و قريب مني اروح انقض عليه في اي وقت XD بس ..... وقت الطبخ اكررره نفسي تلصق في ريحة الاكل و البصل و كل الروائح تلصق في >>> ( ترا انا حساس عيوني مرره تدمع من البصل XD ) ، احس اني مطبخ متحرك :( و احيانا اقوم اطبخ مع امي خاصتا في الاجازة ، حاولت اتعامل مع الريحة يعني اخذ لي معطرات جو وكذا في البداية كان شيء حلوه حتى انه يفتح نفسي ادخل الغرفة وفيها ريحة عنب ولا خوخ بس اكثر شيء يكون ريحة ورد وكذا شيء يفتح النفس , المهم مع الوقت اكتشفت انه المعطرات فيها صرفية شوي + مضرة للبيئة وكذا ( وانا صديق للبيئة :") ) , وصرت نادرا اعطر الجو او اني اسكر الباب لما يكون في احد في المطبخ و يبغى يطبخ .
الباب :
اااااااااه هذا الشيء اكثر شيء اعانه منه , اتوقع انه الكل زعلان من باب غرفتي ليش معرف بس كذا دائما اعاني و اقوم من سريري البارد الجميل المريح و اسكره وهم بكل بساطة يجون يدخلون الغرفة و يخرجون و مايسكرون الباب وراهم , و المشكلة يوم اقولهم سكروه وراكم ما يسكرونه لا يردونه على اخر شيء ليش يعني ؟! , طيب ليش ؟! :\ , ترا الباب حقي طيب ما يعض ولا يضرب ولا اي شيء مسالم , انتم بس لو تجربون تسكرونه دائما وراكم يا انه ح تجيكم دعوات مايعلم بها الا الله :") , ترا لما تسكرونه تفرحون اخوكم المسلم و تبسوطونه و كذا :") .
الحشرات :
من اكثر الحشرات اللي كانت تهاجم غرفتي الصراصير وطبعا النمل و باقي الحشرات بس الصراصير هي اكثر شيء :( اتوقع لانه غرفتي عند حمام ( الله يكرمكم ) و كذا , المهم الصراصير من اكثر الحشرات المقرفة عندي جدا تقرفني هي و الوزغ , و الوزغ مره وحده بس دخل غرفتي الحمدلله , اما الصراصير يا كثرها في السقف في زاوية غرفتي حتى افتكر في مره , خلاص طفيت النور وبنام خلاص اتغطيت و كذا و بس ولا شوي كذا احس بشيء يطيح علي من فوق و انا منسدح على السرير المهم ولعت النور ولا ألقاه صراصر وجع جدا مقرف مدري وش يبي المهم ذيك الليله حلمت كوابيس و استحميت و ما عاد صيرت اطيق نفسي , و كنت في حرب مع الصراصير ما يقارب سنة كاملة يمكن , حتى انقرضو الحمدلله :) .
و من الاشياء اللي كنت احبها في غرفتي ..... , صرااحه هو شيء واحد وهو اكثر شيء احبه في غرفتي ... " سريري " لو ياخذون السرير من عندي ما اقدر اعيش :") , و هو اكبر شيء في غرفتي ماخذ تقريبا ثلاثة ارباع الغرفة , مفصله على اساس انه لا يكون زوجي ولا فردي بينهم يعني ,ترا اغلب حياتي على ذا السرير ما اتحرك كثير XD كل شيء جنبي الحمدلله شاحن الجوال شاحن اللاب و جنبي في سلة نفايات عشان ارمي فيه اكياس الشبسات و البسكوتات اللي اكلها لما اتفرج انمي و كذا ^^ , و اي شيء ممكن يتجمع عليه النمل ارمه برا :) .
النهاية ........
الموضوع الجاي ان شاء الله حاكتب عن " محاربة مع الجيران "
ليست هناك تعليقات:
إرسال تعليق