بسم الله الرحمن الرحيم
الاختبار التحفة " مهارات الاتصال " الدوري الثاني بس الاول XD ...... .
نبذة عن المادة شوي :
مهارات الاتصال من اسمها تحس انها تافه و ما منها داعي في الحياة ...... في الحقيقة هي كذلك , او.... معليش ممكن منها فايدة في الحياة لفئة محدده من الناس ..... او ممكن كل الناس لانه اذا ما قدرت تستفيد من المنهج فاستفيد بسهولة المادة وتفاهتها في رفع معدلك ... هكذا هي الجامعه .
مادة مهارات الاتصال , صراحه ما قد اقتنعت باي شيء اخذته في هذه المادة حتى هذه اللحظة تتكلم عن الحوار و التواصل و القناعه النفسية و .... و... و... إلخ , انا اتوقع بسبب مشكلة في شخصيا , اشوف ذي المادة تافه , بس لو فكرة فيها " لو انها تافه حقا مثل ما انا اتوقع لماذا وجدت و لماذا هناك مختصون في هذه المادة او في هذا المجال ؟! ", تجي في بالي اسئلة كثيرة بس في النهاية اصل لنهاية مسدودة تقول لي .......... إنها مادة تافه .
نظرتي الشخصية للمادة :
موب مقتنع بذي المادة ولا اقدر اتقبل منها اي شيء وكل شيء اشوفه في الكتاب اكذبه و ما يعجبني , فصيرت اخذ المادة على محمل غير جاد , و اقول انها ما منها فايدة عشان كذا قلت استفيد منها على الاقل في رفع معدلي بالجامعه .
عموما :
اذا كنت انسان مهتم بذي الاشياء , في الحقيقة ستبدع فيها , فيها مجالات و اشياء كثيره ممكن تستفيد منها في حياتك , بس اقلية من يهتمون بذلك , فاذا كنت تحب مهارات الاتصال و تبدع فيها , استمر وترك كلام الناس خلفك :) .
*كنت اقصد بـ " الدوري الثاني بس الاول " لانه في جامعتي ما فيه دوري اول لذي المادة , درجات الدوري الاول كلها اعمال و تكاليف + صح ذا اخر اختبار بالنسبة لاختبارات الدوري الثاني :) .
احداث الاختبار :
بعد ما خلصت من اختبار الرياضيات و حمدت ربي على كل حال , قلت خلاص بكذا انتهت اختبارات الدوري الثاني الحمدلله , و حقيقة نسيت انه في اختبار " مهارات الاتصال " كنت احاول اذكر نفسي بين فترة وفترة عشان لا انساه , كنت اتخيل نفسي لو من جد نسيته وش اسوي ؟! .
الاختبار كان ثلاثة فصول و كان بين اختبار " الرياضيات " و " مهارات الاتصال " ما يقارب يومين , كنت أأجل المذاكرة كل شوي , وقول مادة سهلة المذاكرة تاخذ نص ساعه , حتى ليلة الاختبار فتحت الكتاب و ذاكرت اول فصلين تقريبا و حقيقة ما اخذت مني وقت كثير , و قلت لنفسي خلاص كذا يكفي لليوم الفصل الاخير اذاكره بكرا قبل الاختبار .
اختباري كان الساعه 9:45 مدري ليه التعقيد في الوقت " جامعه مخيسه " المهم صحيت الصباح و جلست اذاكر احاول اخلص الفصل الاخير و لسه باقي بستحم و اسوي اشياء ثانية بعد , مثل العادة ما في وقت يكفي XD , استحميت و خلصت و كل شيء الحمدلله , بدون ما انتبه للوقت , طالعت في الساعه لقيتها 9:30 و انا توني خارج من البيت يعني لو وش سويت مستحيل اوصل على الوقت حتى لو بعد الوقت بشوي .
طول الطريق وانا امشي بسرعه و اتجاوز السيارات و اقطع الاشارات عشان ألحق الوقت , و استغفر , خايف لا يروح علي الاختبار و انه خلاص حلمي انتهى , و اشياء كثير كانت تجي في بالي .
المشكلة الاكبر ما كنت متاكد وين مكان الاختبار بالضبط بس قلت خلني اجرب اللي اعرفه , رحت للمبنى اللي كنت متوقع بيكون فيه الاختبار و اول شيء خلني ارتاح شوي انها كان زحمة يعني احتمال كبير يكون ان شاء الله هو المكان , وقفت بسرعه اخر المواقف و كنت اركض و اركض عشان الحق على الاختبار , شفت واحد اعرفه كان شكله توه مخلص من الاختبار سألته من بعيد " وين المكان ؟! " , اشر لي على المبنى ورحت ركض .
وصلت المبنى و كان زحمة شوي , سألت حارس الامن " وين اروح ؟! " و انا قد خلاص هلكت من الركض , قال لي " شف شعبتك وين بالجدول و رح للدور المحدد عندك بالجدول " و كان فيه جدول بجمبه , المهم شفت الجدول بسرعه وشفت رقم الدور كان بالدور الرابع , و طلعت بالمصعد .
حتى هذه اللحظة و انا في حالة رعب شديد خايف لا يكون راح علي الاختبار , تخيلت نفسي و انا اشوف المشرف و هو يجمع الاوراق ولا الباب يكون مسكر في وجهي ........ نظري كله كان على شاشة المصعد اللي تحدد انت باي دور و ساعتي , و طول الوقت و انا اقول بسرعه .... بسرعه ... بسرررعه , كل ما يعدي دور وانا اتوتر اكثر " ان شاء الله اقدر ادخل للاختبار , ان شاء الله يدخلوني " .
الدور الاول ...... كان معي طلاب و كانوا يضحكون و انا ...... الدور الثاني ........ ما زالوا يضحكون و انا ......... الدور الثالث , عم الهدوء ...... الدور الرابع ..... وقف المصعد ...... اخرج منه والقى رجال يقول لي بكل بروود " تفضلوا يا شباب عشان تختبرون " .
انا انصدمت اول ما سمعت كذا وقفت مكاني , ما قدرت استوعب بعد كل المخاطر اللي سويتها و تجاوز السرعه وقطع الاشارات بكل برووود ادخل للاختبار ؟!!! , المهم دخلت اختبرت و الحمدلله عاش الجميع بسعادة و امان .
النهاية ........... .
الموضوع الجاي ان شاء الله " سين ام صاد ؟! "
ليست هناك تعليقات:
إرسال تعليق