كيف دخلت عالم الانمي

 بسم الله الرحمن الرحيم

    ادري انه الموضوع اللي قبل كان حزين و كذا , بس ان شاء الله يكون له فائدة :) .

           امممم كيف دخلت عالم الانمي ، اكييد من سبيستون XD ، بدايتي كانت كونان ، القناص ، ..... اكيد كان في قبلهم و كثير بعد , بس ذول اكثر شيء معروفين ، بعدين جاء النت للبيت و حركات و كذا اتطورنا يعني XD ، برضها كانت بداية سيئة , النت وقتها كان بطيء جدا كنا نحمل كونان بحجم صغير جدا ما تتصوروه بس كنا مبسوطين :") <<< كلنا كنا نتفرج كاننا مفاجيع شي عادي اول مرة نشوف نت XD ، و بدأت اتعمق في ذا الشيء اللي اسمه انمي وقتها كنت في المتوسطة ، شوفت ون بيس و كود جيس و بليتش الانميات الاسطورية ذي ، على ذاك الوقت الانميات كانت قليلة لانه ما كان فيه مترجمين كثيرين او يمكن كان فيه بس ما كنت اعرف .

           دخلت جو مع الانميات وكنت دايما اتخيل و كذا و كان ودي لو اقابل احد مثلي بس للاسف ما كان فيه احد في مدرستي كانو كلهم حقين كورة ، يخرجون الشارع و يلعبون ، و انا كنت انسان بيتوتي يعني من سابع المستحيلات اني اعرف اي احد مثلي خارج نطاق المدرسة , او اني اتعرف على احد عن طريق النت بس ما كنت اعرف وقتها الا الماسنجر XD  , المهم خلصت المتوسطة و انا ما عرفت اي احد مثلي .

            الثانوية : في الثانوية خلاص الانميات بدات تنتشر و الاغلب يعرفها خلاص , يعني من المفترض انه الاغلب صار يعرف الانمي ، بس في ثانويتي ......... , كنت احس اني في منطقة مقطوع عنها النت او اني كنت في حي 80% منهم متخلفين حقين بلاك بيري و بنات و من الكلام الغبي ذا , و 19.8% نفسية XD , و اما الباقين مثلي ^^ .

         فاكرين " المرجوج " و الانسان النفسية " الصامت " اللي صارو اصحابي ( موجودين في اول موضوع كتبته) ما كنا نعرف بعض او حتى لو كنا نعرف بعض ما نعرف الا الاسم الاول وبس و ما بيننا الا سلام ، كان في واحد من اصحابي هو همزة الوصل اللي بيننا كان يجلس معي و مع الاثنين ذوك ، اتكلمت مره مع  همزة الوصل ذا عن الانمي و كذا و هو ما كان يحب الانمي وقلي اعرف واحد مثلك اول ما قلي كذا انا انصدمت قلت مستحيل ، وين ؟! ، كيف ؟! ، متى ؟! ، و بالصدفة طلع " المروجوج "........ اتمنيت لو اني ما اتكلمت مع همزة الوصل عن الانمي , و قلت في نفسي لااااااا اي احد الا ذا بس لما بدانا نتكلم عن الانمي اتحمست و صار في شي يربطنا مع بعض , وصار اغلب كلامنا عن الانميات و الشخصيات اللي في الانمي , و مع الوقت اكتشفت ان الانسان " الصامت " برضه يتفرج انمي مثلنا يعني , و طلع تفكير "المرجوج" مثل تفكيري تقريبا , اما " الصامت " احيانا يعارضنا , لا الصدق كثر الاحيان  يعارضنا .

    كنا نتضارب احيانا بس مو ذيك المضاربة الجدية مضاربة عادية , و في ثاني ثانوي وهي بداية الدشرة كلمت امي و ابوي على اساس اني اداوم بسيارة و اخذ اخوي الصغير لو كانو يعرفون انا ايش حاسوي ما كانو حيعطوني السيارة بس الحمدلله اخذنا الموافقة بفضل الله :) . 

     بعد ما استلمت السيارة صيرت اوصل " المروجوج " لبيته مع انه بيته قريب بس كنت اخذه هو و " الصامت " و كنا نتكلم و اتعرفو على اخوي الصغير , و صيرت بدل ما ارجع البيت الساعه وحده و نص الظهر ارجع الساعه اثنين ,اثنين و عشرة بالكثير , والحمدلله محد من ابوي او امي ينتبهون لي ^^ . 

  

    وبعدها بدات الطلعات و كانو اول ناس اطلع معهم هم " المرجوج " و " الصامت " , و هذا كله كان بفضل الله ثم الانمي ^^ 

   

النهاية ........ 

   

    الموضوع الجاي ان شاء الله ح اتكلم عن " مقتطفات جامعية "