مقتطفات جامعية

بسم الله الرحمن الرحيم 

       جامعة , ثانوية تحسون انه فيه فرق كبير بينهم صح ؟! , اكيد فيه فرق كبير XD , الثانوية عبارة عن سجن تقعد بين اربعه جدران مراقب , تغيب يرسلون رسالة لي ولي امرك >>> ( طبعا حسب المدرسة و ادارتها ) , جدولك ما يمديك تغيره , الجوالات ممنوعه , الشعر الطويل ممنوع >>> ( هذا اكثر شيء كنت اعاني منه رغم اني ما كنت اسوي قصة ولا شيء ) , و اشياء مررة كثيرة , اوووه صح نسيت اهم شيء و الفطور البائس " كاكو " , بس مع كذا هي حلوه الثانوية  ^^ ,

       جامعة ؟! , كل شيء الان صار مسموح بعد الانتقال من مرحلة السجن و القوانين البائسة الى مكان "  أنت قانون نفسك " , يعني محد يتدخل فيك , تتاخر على محاضراتك , ما تحضر , أنت مسؤل عن نفسك , لا ولي امر يدري عنك ولا اي شيء , فعشان كذا لازم تحس بالمسؤلية , و تكون في الطريق السليم .

     استلام البطاقة الجامعية :
        بعد ما روحت قدمت شهادة الثانوية و ابغا اختمها من الجامعه , فيه جاهز كذا كشخة شوي ، تدخل فيه رقم هويتك و بياناتك و بعدين يطلع لك بطاقتك الجامعية , انا دخلت بياناتي و كل شي و خلاص بس اضغط تم او تاكيد و تطلع لي البطاقة , ولا شوي تطلع لي رساله كذا , لونها احمر و حاطين صورتي في نص الشاشة , حسيت كأني مطلوب وعلى رأسي مبلغ ( مثل ون بيس XD ) + اول ما طلع لي كذا حسيت انه عادي لا خفت ولا شي لاني رحت و معي قوة إمان , قولت لنفسي انا داخل هذه الجامعه داخلها كل ذا الكلام  وقوة الامان ذي لان امي كانت الا تبغاني ادخل هذه الجامعه , و طبعا اذا امي راضيه فبإذن الله ح ادخلها ( طبعا بسبب بعض التجارب المؤلة سابقا ) .

    اسواء أيام الجامعه :
        اول يوم جامعي : كان اسوء يوم ما كنت اعرف فين المواقف و فين اروح والاسواء من هذا كله اني قابلت الناس اللي كنت اكرههم في ثانوية , و كان المكان جدا زحمة , و حضرت محاضرة مهي حقتي و اشياء كثيرة حصلت , المهم كنت اتوقع انه ما حيكون في دوام الا الاسبوع الثاني يعني مثل الثانوية , بس ما ادري اشبه دكتور الكيمياء كان متحمس من المحاضرة الاولى , اعطانا ملخصات ( قصدي باع لنا ) و اعطانا ملخص الخطة الدراسية و متا الاختبارات اقلقنا و نحنا في اول يوم , المهم وسحبت على باقي اليوم ^^ .

       ثاني يوم جامعي : كان عندي انجيلزي بس , طبعا انا سحبت على اول يوم , دخلت الكلاس وشوفت الدكتور كان اجنبي طبعا و ما جاء في بالي كيف اقوله اني بدخل , المهم افتكرت جملة اخذت في الابتدائية " !? Can I come in please " قمة الادب ماشاء الله علي XD , دخلت و قال لي : انت حضرت امس , قولت له : لا , قال لي  اكتب اسمك ورح اشتري الكتاب , وقتها ما كان معي فلوس , عديت الفلوس اللي معي كان معي عشرات و خمسين و عشرين ما ادري كيف عديتها و طلع ناقصني عشرة ريال , فكرت .. فكرت ... قولت خلاص امشي مع واحد عشان اخذ منه عشرة ريال و بعدين اعطيه , المشكلة بعد ما رحنا للمكتبة , و لا شوي اللي رحت معاه يقول لي ...... عندك خمسة ريال سلف , جلست اضحك قال لي ايش فيك , المهم سحبته برا المكتبة وقلت له ايش الهرجا , فضحكنا و انتهى اليوم و عاش الجميع في سعادة و سلام XD , و بعدين صيرنا اصحاب ^^ .

   بطاقة الصراف :
          بدأت الاشعات تنتشر متى نستلم بطاقة الصراف ؟! , كم حيكون فيها ؟! , بعد ما اخذنا البطاقة كان في رقم سري كل اصحابي قالو بيغيرونه الا انا قلت ما حاغيره وقطعت الورقة اللي فيها الرقم السري و رميتها ، و كذا خلاص محد يعرف الرقم السري إلا انا و صار الرقم السري  في امان , جاء وقت المكافأت بسحب ماكأفاتي من الصرافة و رايح للصرافة وانا مبسوط و ادخل البطاقة , فجأة الصرافة تطلب مني...... طلب عجزت عن فهمه و استعابه طلب حيرني , طلب جعلني اندم على مافعلت , جعلني افكر كثيرا... كان الطلب " فضلا ادخل الرقم السري " , يا حليلي بعد ما قطعت الورقة و ما بقي الرقم السري الا في راسي , نسيته , انا ما نسيته كنت فاكر الارقام بس ما اعرف ترتيبها , المهم قلت بسوي حركة ذكية دام اني اخذ " احصاء " خليني اطبق يمكن يطلع منها فائدة ذي المادة المخيسة , المهم طبقت الاحتمالات و لكن .... فشلت , فاذا بالصرافة تلهف فرحي و متعتي :"( .

  المذاكرة :
         في الجامعة مافي مصدر محدد تذاكر منه مثل الثانوية ، كل دكتور يقول شيء من راسه ، فعشان كذا لازم الواحد يدور على المصدر اللي يرتاح له و يذاكر منه ، أو أنه يروح لمدرس خصوصي , و المدرسين الخصوصين ذول لهم قصة لحالهم .

   الدكاترة : 

         انا اشوف أنه كل الدكاترة دكاترة بمعنى الكلمة فاهمين في تخصصهم أشياء كثيرة ، لكن هم سيئين في شئ مره مهم جدا اللي هو توصيل المعلومة بس ، فعشان كذا نحن نحكم عليهم انهم دكاترة سيئين , بس هم اصلا مو سيئين ولكن لهم اسلوب و ذا الاسلوب محد يعرفه الا قليلين ، لكن في دكاترة ماشاء الله عليهم مبدعين في تخصصهم و توصيل المعلومة و اسلوبهم كمانة يكون حلو ، و فيه بعض الدكاترة من كثر  ما أسلوبه عاجب الطلاب و كذا صارو الطلاب يجرون وراه عشان يلاقون مكان يجلسون فيه  , بس الى الان ما اعرف ليش العداوة اللي بين دكاترة الجامعه و الدكاترة الخصوصين , اكثر الاحيان دكاترة الجامعه يحشون و يتكلمون عن الدكاترة الخصوصين , ما اعرف اذا كان يسير العكس اولا .

   الطلاب : 
          في الجامعة في نوعية من الطلاب جدا تقهر . مثل اللي يجيك يسال الدكتو اسالة جدا تافه , المشكلة مو في الاسالة المشكلة انه يضيع الطلاب المركزين , وفيه كمانة النوعية اللي مرة خايفة على درجاته لدرجة في طالب قال للدكتور : يمديني اقدم مشروع او بحث عشان اخذ نص درجة بس , يعني من جد ناس تقهر لو يحروحون ينتحرون احسن لهم .

الجامعة شي حلو بس اكيد موب مثل الثانوية , الثانوية احلى , بس اللي محلي الجامعه اكثر شي انه فيه مكافاة XD .
النهاية .........

     الموضوع الجاي حاكتب ان شاء الله عن " هذه آخرة الرياضة "