بسم الله الرحمن الرحيم
** اولا قبل كل شيء اعتذر على التأحر في اخر موضوعين , لاني كنت جدا مشغول " قومني " ( آسف باليابانية )
اممممم ، الرياضة بالنسبة لي عبارة عن ...... ولا شي ، يقولون الرياضة مفيدة و كذا بس انا ما أحبها و كرهتها أكثر بعد ما صار لي عدة حوادث مؤلمة .
بداية الرياضة , الكورة :
الرياضة طبعا بدايتها الطيرة في الابتدائي ، كانت شيء حلو طبعا كنا صغار و كذا لما رحت المتوسطة ما كان في رياضة امارسها ، و كبرت عقولنا و ما صرنا نلعب طيرة شي اكيد يعني ، فكنت اضطر اني ألعب كورة احيانا ، صراحة انا ما أحب الكورة كثير ، كنت ألعب بس اكون في الدفاع دائما ، إلا أن أتى ذلك اليوم ...... ، اتوقع انه اللي شات الكورة كان واحد حاقد على مدري إيش به بس كان شكله زعلان مني ، المهم شات الكورة ....... فإذا بالكرة تصيبني في مكان خطير جدا ، المهم سويت و لا كأنه شي صار لي , خرجت برا الملعب و قعدت شوي لحالي و بعدها كرهت الكورة و معد صرت اقرب لها .
السلة :
صراحة السلة بدأت العبها متأخر ، بدأتها في الثانوية انا و "المرجوج" و "الصامت" ما اتحمسنا لها إلا بعد ما شوفنا انمي "كروكو نو باسكت بول" ، أكثر و احد اتحمس لها و راح اشترى كرة سلة و ملابس سلة و كل شي يتعلق بالسلة هو "المرجوج" ، المهم بحثنا عن ملعب سلة ما كان فيه ملاعب كثير أو ما كنا نعرف نحن ، المهم رحنا ملعب سلة مخيس جدا كان في احد الاحياء بجانب مسجد , و المشكلة رحنا له متأخر شوي ، طلعت الشمس و ما فطرنا بعد , رحنا نلعب "كنا مصافيق" الحماس خلنا ننسى كل شي ، بعد ما لعبنا انا عن نفسي دخت و صدعت خلاص ، معد صار في حيل ابد ، و من بعد ذاك اليوم معد لعبت كرة السلة , بس مازال عندي حماس لها و لي نفس العبها و اتعلمها اكثر و اكثر .
الجري أو الهرولة :
كان عندنا ضيوف ، كانو أغلبهم حريم , و انا طفشت قعدت محجوز في غرفتي ، المهم جا في بالي اني اروح مخطط كذا انا و" المرجوج " و نجري يعني نتسابق ، كلمت أمي قلت لها اني خارج بروح اسوي رياضة مع صحبي ، أمي وافقت (طبعا تعرفون حس الأم ، أمي حست بشيء كذا في قلبها بس ما قالت لي إلا بعد فوات الأوان ) ، وافقت أمي و كلمت ابوي و وافق ، رحت لبست ملابس رياضة و جزمة ، البنطلون كان قصير (برمودة) اعترف كنت غبي لما لبسته ما فكرت زين ، المهم خرجت من البيت و كل شي تمام الحمدلله ، رحت أخذت " المرجوج " و بعدها رحنا للمخطط "هناك بدأت المصيبة " وقفت السيارة بعيد و نزلنا ، أول شيء بدأنا نهرول و بعدها بدانا نجري ، لما بدأنا نجري حسيت أنى بطئ مع اني نحيف ، صحبي كان سريع ما شاء الله عليه ، قلت له خلاص وقف وقف تعبت ، وقفنا ارتحت شوي و قلت له يلا مرة ثانية ، مثل المرة الاولي هرولنا في البداية بعدين بدأنا الجري ، انا غيرت طريقة الجري حقتي صبرت اجري على أطراف رجلي ، المهم كنا متعادلين تقريبا و لا شوي احس اني فقدت التوازن و ما احس بنفسي إلا و انا مبطح على الأرض و ممسح معي الارض تمسيح ( كم انا خطير اعطيت الارض احلى حضن XD ههههه ), وقفت على رجلي و لا كانه شي صار , في البداية ما حسيت بالالم بس انتبهت لشيء انه في واحد كان في السيارة و شافني وقعد يضحك علي مرررة قهرني كان ودي الحقه و اضربه , المهم تفحصت جسمي ولا اكتشف اني انجرحت كم جرح كذا جدا مقرفين ( الحمدلله يعني ) اثنين في ركبتي كله من البرمودة الغبية و جرح في وسطي , اول ما شاف " المرجوج " جرحي قعد يفجع في ويقفز في مكانه >>>>( عشان كذا سميته مرجوج ) و المشكلة الاكبر انه " المرجوج " ما يعرف يسوق :"( ,المهم بدا جرحي يحرقني رحنا لصيدلة اخذنا معقم جروح بعد ما عقمت الجرح حسيت بدوخه , من حسن حظي انه كان في مستوصف قريب لنا بس قبل لا انزل ....... طلعت فائدة من " المرجوج " , اشترى لي عصير ليمون وقال لي اشربه شربته و بعدها حسيت بتحسن اكثر ^^ و ما نزلت للمستوصف يعني مافرقت سواءا كان فيه مستوصف او لا XD .
دقت علي اخوي الكبير و سالته اذا كان فاضي اولا قال لي ايه فاضي , وريته الجرح و حكيته وش اللي صار , في البداية سبني و هزأني و بس بعدين عقمه لي , قلت لها لا تقول لاحد , و طبعا تعرفون المتزوجين كيف ما عندهم شي يدسونه سر , المهم الخبر انتشر بسرعه غير متوقعه لدرجة حتى بنت الجيران صارت تعرف XD .
صباح ثاني يوم امي جات لي ( طبعا بعد ما انكرت انه ما في شيء , بعد ما سمعت الخبر من زوجة اخوي ) , حاولت معي يمين , يسار , فوق , تحت , المهم في الاخير انفضحت , قالت لي امي " انا كنت حاسة انه ح يصير لك شي , وجلست اقول لنفسي ليش بتسوي رياضة " >>>>>> هو ذا احساس الامي اللي كنت اقصده , عشان كذا قبل لاتسون اي شيء تاكدو من احساس امهاتكم XD , المهم انفرشت وقتها :") .
امممم وبس خلاص ذي كل الرياضات اللي جربتها و انتهت بس في كم رياضة عندي نية اني اجربها ومستعد اني اعاني عشانها XD .
النهاية ..........
المضوع الجاي ان شاء الله حاكتب عن " هوس التنظيف و الترتيب "
ليست هناك تعليقات:
إرسال تعليق