بسم الله الرحمن الرحيم
في يوم من الايام بعد تهاوش صباحي مع اخوي الكبير عشان من يوصل اختي الجامعه و كذا , هو ما عنده دوام بس كسلان ما فيه حيل يوصل اختي , يقول لي انت رايح الجامعه خذه معك , المشكلة انا دوامي يبدأ الساعه عشرة , و اختي دوامها يبدأ الساعه ثمانية , المهم في النهاية انا اللي وصلتها .
وصلت للجامعه الساعه ثمانية الا دقيقتين نزلت اختي للجامعه وقلت خلني اروح للمكتبة المركزية اللي في الجامعه , المهم انا اعرف وين مكانها بس ما اعرف وينها بالضبط و وين مدخلها , رحت دورت عليها لقيتها وقفت السيارة و نزلت , دخلت كذا مكان كانه جحر كنت احسب انه في باب بس للاسف طلع ما فيه باب , قلت خلني اخذ لي لفة حول المكان و انا في نص اللفة شفت باب و كان مفتوح المهم دخلت منه , دخلت كذا مكان حسيت انه المفروض انا ما ادخله , كملت طريقي شفت سعوديين و مكاتب و كذا , و اول انسان قابلته كان العامل طالع في كذا و يقول لي " ايش يبى ابويا ؟! " قلت له بروح المكتبة و أشرت له على باب يوصل للمكتبة , رجع قال لي و هو معصب " مرة تاني ما يدخل من هنا " سحقا لك اول مرة اجي هنا , كملت طريقي ولا شوي اشوف و احد من السعوديين جاااي طااير من بعيد يسأل الهندي " من هذا ؟! " قصده علي , طالعت فيه وقلت له ابغى المكتبة و ما كنت اعرف الطريق , طالع في السعودي و رحب بي و قال لي " اتفضل الله يحيك و اذا تبغى اي مساعدة نحن موجودين " جزاه الله خير .
دخلت المكتبة اول ما دخلتها حسيت بكذا احساس غريب و جميل هدوووووء ما اسمع الا صوت نفسي ما فيه احد و فيها كتب كثيرة مرررة , افتكر اول لما اخوي اخذني معه كان فيه دور ثاني وفيه كمبيوترات , كنت بطلع خلاص من الدرج ولا شوي واحد يقول لي و هو معصب " ترا ما فيه شيء فوق " قلت له طيب وين الكمبيوترات ؟! , قال لي هناك اخر شيء , المهم و انا امشي بروح للكبيوترات ....... لقيت مكان جدا جميل , تعرفون الدرامات الكورية لما بيذاكرون يروحون المكتبة و يجلسون على طاولات كذا غريبة كانها صندوق وفيه لمبة >> طبعا اذا كنتم تتابعون درامات :) , المهم شيء حلوه :) .
جلست على وحدة من ذي الطاولات كان فيه واحد جالس , جلست بعيد عنه , وطبعا انا من البيت مضبط وضعي اخذت السماعات و كتب على اساس اذاكر , جلست رتبت المكان شوي حطيت كل شيء في مكانه , اول شيء بدأته اتفرجت لي انمي , و حماس مع السماعات رافع الصوت , عدا الوقت بسرعه , و اللي يقهر اكثر حلقة الانمي انتهت على شيء يحمس و خلص الوقت لازم امشي :( , قبل ما امشي اخذت لي لفة سريعة على الكتب على امل اني ألقى روايات بس للاسف ما فيه , و انا اخذ اللفة شفت دورة المياه ( اكرمكم الله ) كانت شيء مرعب في لمبة تطفي و تشتغل , تطفي و تشتغل و لها صوت بعد , مثل الالعاب المرعبة " silent hell , obscure , resident evil " المهم انا مشيت ما علي منها بس عند الباب كان فيه شيء حلوه , تعرفون في الانمي كيف يوم يدخلون المدرسة يكون فيه ادراج يحطون فيها احذيتهم ( الله يكرمكم ) شيء مثله كان شكله حلوه , بعد ما اخذت لي اللفة و شفت كل الكتب , شفت الباب اللي دخلت منه مقفل رحت اخذت لي نظرة سريعة على الكمبيوترات , خلاص بخرج , سألت الهندي نفسه اللي عصب علي في البداية " وين المخرج ؟! " رجع عصب علي " ايش هدا انتا ما يعرف اول مرة يجي ؟! , شوف هناك خروج " وجع ايه اول مرة اجي , المهم خرجت .
رحت للدوام و اتاخرت مثل العادة , بعد الدوام عندي بريك ساعه في الحقيقة ما عندي بريك بس انه لازم انتظر اختي عشان اخذها , قابلت صاحبي و حكيته عن المكتبة , و رحنا لها , و كانت الفاجعه .......... ابدا ما كانت هادئة مثل الصبح , كانت جدا ازعاج و الناس تضحك و تتكلم بصوت عالي , كملنا طريقنا انا وصاحبي , بعدها انبسطت لما وصلت للمكان اللي فيه طاولات غريبة كان هنالك الهدوء , انا كنت اكلم صاحبي كأني حرامي , و طبعا جلسنا بس نصور XD , و شفنا كم كتاب كذا من النوع القديم جدا احس انه لو مسكته ح يتقطع , و الشيء الجميل انه في شيء اسمه استعارة كتاب , بس ما جربناه XD , ح جربة يوم بعدين ان شاء الله :) .
ما جلسنا في المكتبة شيء كثير في الزيارة الثانية بس كانت جميلة المكتبة :) .
النهاية ............ .
ليست هناك تعليقات:
إرسال تعليق