بسم الله الرحمن الرحيم
في الحقيقة انا لي تجربتين مع اليوتيوب و اتوقع التجربة الثالثة جاية في الطريق , المشكلة كل التجربتين فشلت :"( , اما الثالثة مدري :\ وش حيصير فيها , التجارب بالترتيب .
التجربة الاولى :
كانت عبارة عن اول ظهور لي امام شاشة اليوتيوب .
البداية :
في البداية اول ما بدات تطلع البرامج اللي في اليوتيوب مثل " ايش اللي " , " على الطاير " و ....... و ..... و .... وغيرهم يعني بس ذي اشهرهم ( وحاليا احس انه صارو مملين ما صرت اتابعهم ) , المهم انا كنت اتخيل نفسي كذا مكانهم و انه شيء حلوه و انا طيب ليش ما اصير مثلهم ؟! , فكرت و فكرت وش اسوي وكذا حتى جاه اليوم و صاحب اخوي حمسني , فكرنا في موضوع موضوعين , وش نسوي نتكلم عن ايش ؟! , وش نسمي البرنامج ؟! ( وصراحه اسم البرنامج في جهة و مواضيعنا في جهة ثانية ) , المهم جمعنا افكارنا , و اتفقنا على كل شيء , بقي بس موعد التصوير متى ؟! .
يوم التصوير :
جاه يوم التصوير اللي اتفقنا عليه , وقتها ما كنا نبغى الناس تشوف وجيهنا و كذا ( تعرفون عاد جمهور و جرايد بعدين و كذا XD ) ف اشترينا اقنعة لسبناها و كل شيء تمام , طبعا كبداية ما كان فيه عدة تصوير ولا اي احد يعرف في المونتاج يعني ناس مشي حالك يلا يلا يعرفو يصورن حتى تصويرهم مخيس :"( , بدا التسجيل اتكلمنا عن المواضيع اللي اتفقنا عليها , صراحه ما افتكر كل المواضيع بس افتكر اننا تكلمنا عن قياس و عن شيء سياسي كذا , المهم خلصنا مواضيعنا وقفنا تصوير و كل شيء بس كان الفيديو وقته قليل ما ينفع , و اكيد كان فيه اخطاء كثييير , يعني اعدنا تصوير المقطع كثير .
الانتاج والرفع :
طبعا اللي اشرف على المونتاج واحد من اقاربنا برضه ما كان يعرف في المونتاج شيء كثير بس ابدع شوي , عدل المقطع شوي و اضاف كم شيء كذا , يعني سوا اللي عليه و اكثر , اما الرفع , ما ادري عنه من رفعه وكيف انرفع على اليوتيوب ما ادري عنه ولا شيء .
المشاهدين و اللايكات :
المشاهدين كانوا مررررررررة كثيييرين وصلوا تقريبا مليون مدري مليونين XD , لا لا امزح شيء اكيد مافي مشاهدين ولا تعليقات و الحمدلله انه ما كان فيه dislike ( لم يعجبني , الاصبع المايل لتحت ) سويت لايك للمقطع و كذا وصرنا نعلق نحن على بعض ( اقصد الممثلين و المخرج ) ونسلك لبعض XD , طبعا الفديو كان مخيس ما منه فايدة المفروض يكون هادف و كذا بس طلع مضيعة للوقت بس و ضيعنا حياتنا في شيء ماله داعي , ايه صح و قتها برنامج " ايش اللي " كان يستقبل فديوهات و كذا و ارسلنا له المقطع بس الحمدلله انه ما اتكلم عنا :") .
بعد انتشار الفديو شوي :
طبعا الفديو حذفناه و كل شيء هي كانت تجربة و بس , المهم رغم اني كنت لابس قناع و كذا بس سحقا اصحابي اكتشفوا من خلف القناع , المشكلة محد قال لهم و لا شيء بس اكتشفوا عن طريق شكل جسمي وجع , مدري كيف لو انهم أيش :"( .
التجربة الثانية :
كانت دورة مونتاج وكذا , انا دخلت الدورة عشان اول شيء ابغى اتعلم في المونتاج , ثاني شيء كانت ببلاش XD , اما مكان الدورة لو قلت لكم ماراح تصدقون , الدروة كانت في ..... مسجد ايه في مسجد مبنى يصلون فيه الناس و نحن ناخذ فيه دورة مونتاج سبحان الله :) . الدورة حسب ما افتكر كانت من بعد صلاة العشاء حتى الساعة 11 تقريبا , طبعا التعليم ما كان ذاك الشيء لانه اللي يعطي الدورة ما كان ذاك الشيء و المنتج الإنتاج الكبير ذاك كان واحد جزاه الله خير , كان هدفه انه نسوي مقاطع اسلامية و دينية و ننشرها على اليوتيوب و كذا يعني , المهم بعد نهاية الدورة التي دامت تقريبا ثلاثة ايام حسب ما افتكر ,قال لنا ذلحين ابغى كل واحد فيكم يسوي مقطع ويرفعه على اليوتيوب , اتوقع كان بيشوف تعليمه لنا له فايدة ولا لا ( انا صراحه احب اتعلم بس ما احب اطبق الا وقت ما اكون رايق وكذا ) , حسيت لما قال لنا كذا كانه صار واجب علي ولازم اسويه على الاقل تقدير للتعب اللي تعبه , سويت المقطع , طبعا المقطع كان ابو كلب ما فيه شيء , جدا سيء , المهم وريته لصاحب الدورة و خلاص الموضوع كان عن الصلاة و كذا اهم شيء انه انبسط شوي :) .
التجربة الثالثة :
اخوي الصغير يحب الالعاب وكذا و هو حاليا جالس يصور فديوهات و هو يلعب يعني يصور الشاشة بس , و ما يبغى يصور وجهه بس صوته و انا احتمال اصور معه :) .
النهاية ........... .
ليست هناك تعليقات:
إرسال تعليق