بسم الله الرحمن الرحيم
هذه القصة حدثت معي بتاريخ مميز في الحقيقة 1435/5/5 يوم الخميس كلها فيها رقم خمسة XD .
في صباح هذا اليوم صحيت على الساعه السادسة الا عشرة دقايق تقريبا , صحيت على اصوات المنبهات اللي احطها كل ليلة مايقارب ثلاثين منبه , مقسمة عشرة على ثلاثة اجهزة , و باصوات مزعجة و مختلفة , قمت من السرير و غسلت وجهي بسرعه عشان ألحق على صلاة الفجر في المسجد .
بعد ما رجعت من المسجد تهاوشت مع اخوي شوي على اساس من يوصل اخواتي و اخوي لدواماتهم المهم بعد تهاوش دام نص ساعه تقريبا اتفقنا على انه هو يوصل اخوي الصغير و انا اوصل اختي لدوامها الساعه ثمانية و انا دوامي يبدأ الساعه عشرة ( معاناه قعدت انتظر ساعتين ) المهم وصلتها و كذا وقلت بروح للمكتبة المركزية اللي في الجامعه ( حاكتب عن المكتبة و وش اللي صار معي في موضوع مستقل ان شاء الله ) .
رجعت البيت على الظهر كذا و حتى الان اليوم طبيعي الحمد الله ما فيه شيء جاء الوقت اللي اخذ فيه اختي من دوامها , المهم نزلت شغلت السيارة و ابحرت بخيالي الواسع الى آفاق شاسعه , المهم و انا رايح اخذ اختي من دوامها كنت ماشي بسلام على رواقان و كذا و فجأة .......... .
" حيييط حوووط ددددج " رجل احمق , سحقا له , كان يبغى يلف و يرجع و جاي من اقصى اليمين و دخل علي , يعني اعترض طريقي , اول ما شفت اني صدمت ما سويت شيء قعدت في السيارة شوي استغفرت و مسكت راسي جلست افكر و افكر وقلت شكلها السيارة انعدمت خلاص , انا سيارتي شوي جديدة اما هو كان معه موب سيارة كومة حديد , المهم الحمدلله على كل حال " قدر الله و ماشاء فعل " نزلت للرجال تتوقعون وش سويت له ؟! , معروف عني انسان هادء و ما اسوي شيء لاحد , و المفروض شيء طبيعي يعني اي احد حتى لو كان اهدأ انسان , ينزل يضرب الرجال ويشتمه و ..... و ..... و..... , بس ...... ما سويت للرجال شيء سالته " انت وش تسوي ؟! ما تعرف تسوق ؟! " كم كنت احمق ليش ما صارخت عليه و لا سويت أي شيء .......... ، طبعا انا ما فكرت في ضربه بس اصلا حتى لو فكرت حانفرش هو كان عليه جسم ماشاء الله XD .
سوينا زحمة بالطريق , المهم انا ماكان معي رصيد اتصلت على ابوي على حسابه , رجع اتصل علي رديت بدون اي مقدمات ولا اي شيء " ابوي ترا صار لي حادث " ابوي " يا شيخ من جدك وين ؟! " قلت له وين و كذا , و المكان كان قريب من البيت , بعد ما انهيت المكالمة مع ابوي قلت خلني اتصل على " نجم " ( للي ما يعرف نجم , نجم حق حوادث السيارات يعني اذا صار لك حادث لا سمح الله تتصل عليه ) طبعا ما اعرف رقمهم فتحت النت و حصلت رقمهم اتصلت " تيت تيت ناسف لن تستطيع اجراء هذه المكالمة لعدم توفر رصيد كافي في حسابك , فضلا استخدم بطاقة اعادة الشحن " XD , سحقا موب وقته لاااا .
انتظرت ابوي اخذ وقت كثير عشان يجي مع انه المكان كان قريب :\ , اتوقع اللي اخره التحقيق اللي صار معه في البيت XD , جاء ابوي اول ما جاء اخذت منه جواله , واتصلت على الشرطة رد علي واحد و قال لي معك تأمين قلت له ايه معي قال لي اتصل على " نجم " اتصلت على " نجم " بجوال ابوي و ردت علي وحدة , المهم اخذت مني كل المعلومات و كذا و سألتني سؤال جوابه جدا صعب و خاصتا في السعودية " وش اسم أقرب شارع رئيسي لك ؟! " ركضت ادور على اقرب لوحة و اقول لها اسم الشارع المهم سبحان الله شفت لوحة كان مكتوب فيها اسم الشارع .
كان فيه رجال من اول يكلم ابوي شفته لما كنت اركض و كذا كنت احسبه فاعل خير لكن ........ طلع ولي امر اللي صدمته , المهم نادى علي و قال لي تعال رحت له و انا مشغول كنت اعطي لنجم المعلومات , المهم رحت له ولا شوي بدأ يسوي لي المحقق " كونان " قال لي انت الغلطان حتى شف اثر كفر سيارتك انت جاي مسرع و ..... و ...... و.... , و قال لي خلاص , انا اقدر اخذ لي ورقة اصلاح ( ورقة الاصلاح : ورقة اخذها من الدورية عشان اقدر اصلح سيارتي في المحلات ) اما انت انتظر الشرطة و خذ منهم الورقة , المهم طلع منها مثل ما يقولون " مثل ما تطلع الشعرة من العجين " .
بعد ما رجعت اختي من الدوام و عرفت باللي صار جات لي تعتذر و كذا , حست بتأنيب الضمير :"") , احبك يا اختي .
بعض المعلومات :
1- اول شيء احمد ربك و امسك نفسك لانه لو ما مسكت نفسك ممكن تقتل الرجال الثاني XD .
2- كل شيء فيه خير لكن وقتها ما حتعرف وين الخير , بس صدقني انه خير لك .
3- رقم نجم 920000560 , ويقولون انهم ما يدعمون شرق الخط السريع مثلي , اوه صح ذا الرقم بالنسبة لمدينة جدة .
4- اذا كنت ببتصل على حساب احد ثاني بس لازم من سوا لسوا من اليسار تبدأ اول شيء تكتب *199* بعدين رقم الجوال اللي بتتصل عليه واخر شيء # , اما موبايلي و زين للاسف معرف .
النهاية .......... .
ليست هناك تعليقات:
إرسال تعليق