بسم الله الرحمن الرحيم
حكايتي مع قياس لا تقف عند القدرات فقط ، بل هناك أكثر و أكثر ....... .
التحصيلي :
اختبار تختبر فيه كل المواد العلمية من أولى لثالث ثانوي ، كيمياء ، رياضيات ، فيزياء ، أحياء ، انجليزي ، المهم انا عن نفسي ما استعديت لذا الاختبار كثير و ما أعطيت له اهتمام كثير ، قبل الاختبار بأسبوع ..... تعرفون ذيك الربشة حقت الاختبارات اللي تجي كذا و تخل الواحد يندم أنه لعب و ماذاكر و أنه خلاص مستقبله ضاع و وده لو يحفظ كل شيء بس ما عنده وقت المهم جاتني ذي الربشة و اخوي الكبير زادها ، جاء يقول لي ليش ما ذاكرت و لازم تذاكر و..... و..... و... المهم اتحطمت مرررة كثير ، و حاولت اني اذاكر أي شيء على الأقل , بس طبعا الوقت ما كان يساعد المهم خلصت المناهج كلها قراءة فقط :"( .
قبل الاختبار :
رحت للاختبار انا و كم واحد كذا من أصحابي ، رحت للاختبار و انا خائف و حاس أنه العيد الجاي جاي ، وقفت السيارة ، راجعنا انا واصحابي مع بعض شوي ( انا ضد المراجعه الجماعية و بالذات اذا كان فيه واحد دافور حيسوي لكم قلق ) و كل و احد مسك مادة و يقول المعلومات المهمة اللي في المادة ، خلصنا مراجعه و كذا ، أخذنا قسط من الراحة شوي ( أحس أنه لازم قبل الاختبار كذا تريحون شوي و تنسون المذاكرة و همها و تضحكون ) نزلنا من السيارة ...... دخلنا الاختبار ...... خلصنا الاختبار .
بعد الاختبار :
" أهلا أهلا بالعيد " و نسمع اغاني محمد عبده حقت الأعياد XD ، خرجت من الاختبار انتظرت أصحابي شوي حتى تجمعنا ، و انا ما أحب اني أراجع بعد الاختبار فكنت دائما اسكتهم ما اخلهم يتكلمون عن الاختبار ، خلاص ذلحين بنروح للسيارة عشان نمشي و لا شوي واحد من أصحابي يسأل سؤال ...... سؤال صعب جدا سؤال أول مرة ما اعرف اجواب عليه مع أنه كنت دائما اجاوب عليه ..... " وين السيارة ¿! " هو ذا الاختبار الوحيد اللي ضيعت فيه مكان السيارة XD ، صراحه الاختبار كان جدا غبي و صعب و مرررة يقهر ، انا ذاكرت أحياء أكثر شيء تقريبا و الأسئلة اللي كانت تجي عن الأحياء جدا سهلة و غبية و يقهرون ما يجيبون منها إلا كم سؤال و بس و مكثرين من المواد الثانية الغبية ، و في الأخير أخذت درجة طيبه الحمدلله + اصلا الشعب كله كان مخبص :") .
------------------------------
كفايات اللغة الانجليزية :
ذا الاختبار موب لازم تختبرونه ، بس انا اختبرته لأنه واحد من أصحاب اخوي متخرج من الجامعه وكذا قال لي اختبره عشان ما تأخذ انجليزي في السنة التحضيرية ، المهم أخذت بنصيحته و قلت خلني اجرب سجلت في الاختبار انا و واحد من أصحابي ، هو اختبار انجليزي كله انجليزي ، تقريبا مثل القدرات القسم اللغوي ، ذا الاختبار ما ذاكرت له بس فتحت كتب الإنجليزي حقت الثانوية وبس , كذا عشان اريح ضميري شوي :") ، + انا اصلا ما سجلت في الاختبار ذا إلا عشان اخرج مع أصحابي بعد الاختبار XD .
بعد الاختبار :
بعد الاختبار لأول مرة أكون طبيعي عادي و اضحك على الدوافير الزعلانين XD ، خرجنا بعد الاختبار و انبسطنا و كل شيء الحمدلله ، نزلت النتائج و شيء اكيد أنها مخيسة بس عادي ، يقولون أنه متوسط درجات السعوديين في ذا الاختبار 30 - 40 ، وأنا أخذت اتوقع 42 :) .
نصائح بسيطة :
أ- اختبار التحصيلي :
1- إذا كنت كسلان و ما فيك تذاكر لا تذاكر و تعب نفسك إلا بعد ما تحدد أي جامعه و دك تروح و تعرف كيفية حساب المعدل الموزون فيها ، و الأفضل لك انك تذاكر و تشد حيلك عشان تضمن نفسك و مستقبلك :) .
2- خذ لك قسط من الراحة قبل الاختبار لا تذاكر طول الوقت حتى الرمق الأخير .
3- لا تنسى مكان السيارة بعد الاختبار XD .
ب- اختبار كفايات اللغة الانجيلزية :
ذا الاختبار معرف اذا كان كلام صاحب اخوي صح او لا , لانه بعد ما دخلت الجامعه سمعت انه في شيء اتوقع ان اسمه " الآيلز " و اتوقع هو اللي يخلك ما تاخذ انجليزي في التحضيري , المهم ذا الاختبار لا تدخلونه لان الانجليزي اللي في السنة التحضيرية يرفع من المعدل او اذا بتدخلونه لازم تذاكرون اكثر للمواذ الثانية عشان تجيبون معدل حلوه :) .
*** للمعلومية ترا الانجليزي في التحضيري ممكن يخلك تدوام من الصباح للعصر حسب جدولك بس اكثر شيء حيكون ساعات الانجليزي من 4-3 ساعات يوما , صح انه وقت طويل وكذا بس حسب الدكتور انا كان عندي دكتور ماشاء الله عليه ممتع ما ينمل منه :) .
النهاية ......
الموضوع الجاي ان شاء الله حاكتب عن " الحياة الجميلة " .
ليست هناك تعليقات:
إرسال تعليق