الاختبار التحفة #1

بسم الله الرحمن الرحيم 

   طبعا كطالب جامعي في جامعه مخيسة الحمدلله , ذلحين فترة اختبارات لذلك ساكتب عن الاختبارات بشكل عام و عن كل اختبار و قصته :) . 

  الاختبارات شيء غبي ما منها فائدة بس شيء يجيب الهم و القلق و... و...و.. ، وقت الاختبارات تنفتح النفس لكل شيء مدري ليش بس اتوقع بسبب جني يطلع من الكتب من كثر ما امسح عليها XD ، كل شيء يصير له وقت حتى اللي ما له وقت أيام الإجازة يصير له وقت ، شيء اكيد انه عدت علي اختبارات أشكال و الوان و أنواع الاختبارات كلها ، و حتكلم عن بعض الاختبارات و تجربتي السيئة معها لاحقا ان شاء الله ، نبدأ باختبار اليوم .

   اختبار اليوم اختبارما كان له مثيل صراحه , كان اختبار الحاسب عن الجزء النظري يعني وش تتوقعون منه غير انه اختبار كله عن الحاسب بدون ما يدخلون فيه الجزء العملي و يكون على الورق بس جامعتي المخيسة  ........ مسويه حركة يعني مخلين الاختبار على الآيباد و كذا ، طيب بدل ما تضيعون فلوسكم في الآيباد زورد لنا المكأفاة , سحقا لهم " جامعه مخيسة " .

الاستعداد للاختبار : 

  الاختبار شيء غبي و ماذاكرت له كثير بس .......  ، جاني في الواتس رابط للاختبارات القديمة ، فتحت الرابط و تفاجات بالأسئلة كانت اغلبها عن الجزء العملي ، ما كنت أتوقعه بذيك الصعوبة مع إني حليت كم سؤال صح بس برضه بما أنه حاسب المفروض تكون إجابتي كله صح !!! ، و جات لي ذيك الربشة اللي قبل الاختبار حست كأنه اختبار كيمياء و لا شيء صعب و كرهت اللي أرسل الرابط و انا من أول أساسا أكره الواتس ، و اللي أرسل الرابط واحد من " الدوافير " عشان كذا ما احبهم يجبون القلق ، حاولت اني اذاكر في الوقت الضيق اللي بقي لي مع انه صحيت بدري بس ما ذاكرت كنت العب و اضيع وقتي , كان باقي لي تقريبا ساعه و الاختبار 206 صفحة يعني حتى لو مدري وش سويت ما اقدر اخلصه . 

التوصيلة :

   بدأت المذاكرة بالجزء النظري و فجااة الكل ماشاء الله صار يحبني و يحب يتكلم و يهرج معي مدري ليش :/ ، والمشكلة مرة موب وقته ....... خلصت الجزء النظري بعد معاناة , و قلت الباقي اشوفه كذا ع السريع ، بس احتاج أحد يوصلني عشان اقدر اعدي على الجزء العملي و الثاني يسوق ، كان فيه اخوي عنده مشوار عند الجامعه سألني " ها اوصلك؟! , بس متى تخلص ؟! " قلت له " صرااحه مدري متى " فسألت أصحابي و واحد منهم طلع نفس موعد اختباري المهم نشبت له XD و وصلني الحمدلله :) ، بس طبعا ما فتحت شيء في السيارة ، جلسنا طول الطريق نهرج و نضحك :) . 

الاختبار : 

   حمدت ربي اني رحت مع صحبي لانه لو رحت لحالي او مع اخوي كان رحت للمبنى الخطأ XD , المهم وصلنا للمبنى وقفنا السيارة في مكان لقينها بالصدفة كنت متوقع إننا ح نوقف بعيد و كذا , لانه كان زحمة , نزلنا من السيارة اخذنا لنا مراجعه سريعه كذا للرموز و الاختصارات و نحن بنمشي للمبنى , دخلت القاعه و انا موب حاس بشيء يمكن عشان مع صاحبي وشفت كم واحد اعرفه , و انا داخل للقاعه شفت شيء عند الباب , شيء شكله كان رهيب " الآيباد " كانت كثيرة و مرتبة فوق بعض كان ودي ان اصورها بس للاسف ما قدرت , جلسنا انا وصاحبي اخر القاعه , بدأ الاختبار و كان كذا ............. سريع ما فيه شيء كان اسرع تخبيص , فيه اسئلة غبية مدري وش تبي , وفيه اشياء عن العملي , اختبار كان تافه و صعب . 

   و اخيرا مثل كل اختبار لازم يكون فيه ناس جايبة العيد و ناس شايفه نفسها :( . 


النهاية ....... .