بسم الله الرحمن الرحيم
الاختبار التحفة الثاني " فيزياء " .......... .
مجرد ذكر اسم المادة يجيب الهم استغفرالله , مادة غبية , ما لها داعي في الحياة يعني مثلا وش بستفيد منها , " حجرة سقطت من اعلى جبل احسب سرعة الحجر , و احسب الوقت الذي تحتاجه الحجرة لكي تصل للارض " ....... يعني وش بستفيد من كل ذي الاشياء ؟! , ممكن تفيد في شيء واحد بس " التخطيط للقتل و الانتقام هاهاهاهااهاها " ترا امزح XD .
الاستعداد للاختبار :
كنت ادري بموعد الاختبار باسبوع او اسبوعين يمكن و كل يوم اقول بكره اذاكر , يجي اليوم اللي بعده بكره اذاكر .......... و جلست على ذي الحال حتى ما بقي على الاختبار الي وقت قليل , كله بسب انه فيه اشياء كثيرة تشغلني عن المذاكر بسوي كل شيء لدرجة صيرت " مصلح اجتماعي " ما شاء الله علي XD , بقي على الاختبار يوم مدري يومين قلت خلاص لازم اذاكر ذلحين و ابدأ الجد و اصير " نفسية " و اكون جاد مع نفسي و " مستقبلي " اللي مدري وينه , انتظره يلقاني XD , صيرت جاد شوي و صيرت انقطع عن العالم .
المصادر:
في " جامعتي المخيسة " ما فيه مصدر محدد تذاكر منه , اي شيء تشوفه و يعجبك خذه و ذاكر منه ما فيه شيء محدد , و الدكاتره ما شاء الله كل واحد اسواء من الثاني ( اتكلم عن الفيزياء فقط ) + ( ذا كلام الطلاب انا ما ادري عنهم انا عند دكتوري و خلاص ) , ذاكرت من ملخص احد الدكاترة الخصوصين , ذاكرت ملخصه و خلصته كان يلخبط شوي بس حاولت اني افهم و مشيت نفسي , رحت اخذت من صاحبي " تست بانك " ( التست بانك : بنك الاسئلة , يعني عادتا تجي منه الاسئلة بس موب شرط انك تعتمد عليه ) و ملخص ثاني اوراقه قليل مدري , صاحبي مدحه وقال لي اذا ذاكرته ح تاخذ باذن الله فوق الخمس و عشرين و انا تحمست وصورته .
المذاكرة :
خلصت الملخص اللي كان عندي و فتحت الملخص اللي اخذته من صاحبي اللي فيه اوراق قليله , اول ما فتحته جلست اضحك هو دكتور خصوصي , المشكلة موب هنا المشكلة في طريقة كتابته " و هيا ننطلق سويا مع معادلات الحركة " " يلا نتعلم الجمع و الطرح زي الصغار ..... " طبعا ذي بعض من جمله , و انا اذاكر ملخصه بس اضحك لدرجة امي و ابوي قالوا لي " وش بك جننتك الاختبارات " ( لا صراحه هم ما قالوا لي كذا بس حسيت من نظراتهم ) , خلصت الملخص بسرعه , و مثل العادة لازم يكون فيه شيء ما خلصته , التست بانك اللي اخذته من صاحبي لا فتحته ولا شيء طنشته .
الاختبار :
رحنا للاختبار و كنا ثلاثة بسيارة وحده , اتاخر صاحب السيارة علينا شوي بس عادي موب مشكلة , وصلنا للمبنى نفسه حق اختبار الحاسب , فيه ممر طويل شوي هناك تصير كل الاحداث قبل الاختبار " تدور واحد دااااافووووررر عشان تغش منه وتضبطه " بعد الاختبار " الاعياد و الافراح و الكآبة و كل شيء " , انفتحت الابواب " هجوووووووم " طبعا انا دائما احب ادخل قاعه لحالي ما اعرف احد فيها عشان ما اغششه ولا يغششني او عادي ادخل معه بس لا يقول لي غششني مع نفسه , انا يالله ألحق نفسي , افترقنا انا و اصحابي اللي راح مع ناس عشان يغششهم و اللي سحب على ناس , المشكلة اللي يغشش يحط نفسه في قلق هو غنى عنه , المهم دخلت قاعه ما كنت افكر ادخلها اصلا , كنت بدخل اخر قاعه بس واحد من المراقبين ابتسم في وجهي و قال " يلا ادخل عشان تخرج بعدين بسرعه " و انا داخل نفسي اقول ترا موب طالع الا بعد نهاية الوقت , دخلت القاعه و جلست اخر شيء مثل العادة , جاتني ورقة الاجابة و الاسئلة و وقت ساعتي و كل شيء " بسم الله "............ .
بعد فترة من بداية الاختبار فيه ورقة نكتب فيها الاسم و الرقم الجامعي و التوقيع , بس ذي المرة كان فيه خانه زايدة مدري وش تبي و ضعيت علي وقت " اسم الدكتور " سحقا انا وش عرفني باسم الدكتور , انا احضر عنده و انا مفهي قلت للمشرف " ترا اعرف لقبه بس " قال لي اكتبه , " كتبت لقبه و انا موب متاكد هو صح ولا لا " , " عدى نص الوقت اللي بيطلع يسلم الورقة ويطلع " مسرع يقهروا يبدأون الوقت بكيفهم يعطونا الاوراق متاخر و يحسبون التاخر علينا حسبي الله عليهم , وقتها انا لسه ما ادري وين واصل بقي لي مشوار ......... " بقي عشرة .... تسع دقايق " وجع ما غير يقلقنا .... " دقيقتين " و الحمدلله انتهيت بس بقي لي سؤال فحطت فيه ..... " بدا التوتر و ساعتي تيت ,,, تيت ,,, تيت يعني بقي لي خمس دقايق و المشرف يقول لنا بقي دقيقتين , و انا ما زلت في السؤال نفسه , عقلي علق خلاص " , المشرف " دقيقة بسرعه خلصوا ح يخلص الوقت " ...... انتهى الوقت ....... , اول ما قال كذا انا خلاص كنت بصيح و حطيت المراسم و اخذت نفس عميق جداااا , الحمدلله حليت السؤال :"") , صراحه ترا كان سؤال تافه و غبي ما ياخذ دقيقة حتى بس انا مدري وش بي XD .
بعد الاختبار :
في الممر مثل ما قلت لكم اللي يشتم الاختبار و اللي يتكلم بصوت منخفض والله الاختبار كان سهل و تافه و ...... , قابلت اصحابي و كنت بمشي بسرعه انا ما احب اقابل احد بعد الاختبار ويسالني عن الاختبار و يقول لي هذا كيف و ذا كيف , انت حليته خطأ , اكره شيء عندي ذي الحركة عشان كذا دائما امشي اول ما اطلع , بس للاسف عشان ما جيت بسيارتي , اضطرت انتظر اصحابي و قابلت كم واحد و سألني :( بس موب ذي المشكلة , المشكلة قابلت " النشبة الجديد " بس الحمدلله مشي بسرعه كان فيه احد ينتظره :") .
خلصنا اختبار و كل شيء تقريبا الساعه ثلاث ونص , بعدها انتطرنا مكتبة بعد الصلاة حتى تفتح لانه فيه ملخص كنا بناخذه , في وقت الانتظار رحنا للمبني اللي فيه دكتور بسوي لنا مراجعه لمادة الرياضيات و شفنا شيء ....... فيه ناس بدات تحجز كراسي , سحقا وش ذا , المهم انا واصحابي حجزنا و حجزت انا كم كرسي زايد XD , صلينا العصر و اخذنا الاوراق من المكتبة و كل شيء .
الغذاء :
في ذا اليوم اكلت اكل بشكل غير طبيعي كانت في جوع شديد جدا رحنا اتغذينا ولما رجعت البيت اتغذيت مرة ثاني , و في كل مرة اكلت اكثر من المرة اللي قبلها :") , وبعد ما اكلت نمت بدون ما احس , و صحيت اليوم الثاني و جاتني صورة للاجابات من صحبي " الدافور " , و ما ودي اشوفها لاني ادري جبت العيد , الحمدلله على كل حال :"( .
النهاية ............. .
بعد فترة من بداية الاختبار فيه ورقة نكتب فيها الاسم و الرقم الجامعي و التوقيع , بس ذي المرة كان فيه خانه زايدة مدري وش تبي و ضعيت علي وقت " اسم الدكتور " سحقا انا وش عرفني باسم الدكتور , انا احضر عنده و انا مفهي قلت للمشرف " ترا اعرف لقبه بس " قال لي اكتبه , " كتبت لقبه و انا موب متاكد هو صح ولا لا " , " عدى نص الوقت اللي بيطلع يسلم الورقة ويطلع " مسرع يقهروا يبدأون الوقت بكيفهم يعطونا الاوراق متاخر و يحسبون التاخر علينا حسبي الله عليهم , وقتها انا لسه ما ادري وين واصل بقي لي مشوار ......... " بقي عشرة .... تسع دقايق " وجع ما غير يقلقنا .... " دقيقتين " و الحمدلله انتهيت بس بقي لي سؤال فحطت فيه ..... " بدا التوتر و ساعتي تيت ,,, تيت ,,, تيت يعني بقي لي خمس دقايق و المشرف يقول لنا بقي دقيقتين , و انا ما زلت في السؤال نفسه , عقلي علق خلاص " , المشرف " دقيقة بسرعه خلصوا ح يخلص الوقت " ...... انتهى الوقت ....... , اول ما قال كذا انا خلاص كنت بصيح و حطيت المراسم و اخذت نفس عميق جداااا , الحمدلله حليت السؤال :"") , صراحه ترا كان سؤال تافه و غبي ما ياخذ دقيقة حتى بس انا مدري وش بي XD .
بعد الاختبار :
في الممر مثل ما قلت لكم اللي يشتم الاختبار و اللي يتكلم بصوت منخفض والله الاختبار كان سهل و تافه و ...... , قابلت اصحابي و كنت بمشي بسرعه انا ما احب اقابل احد بعد الاختبار ويسالني عن الاختبار و يقول لي هذا كيف و ذا كيف , انت حليته خطأ , اكره شيء عندي ذي الحركة عشان كذا دائما امشي اول ما اطلع , بس للاسف عشان ما جيت بسيارتي , اضطرت انتظر اصحابي و قابلت كم واحد و سألني :( بس موب ذي المشكلة , المشكلة قابلت " النشبة الجديد " بس الحمدلله مشي بسرعه كان فيه احد ينتظره :") .
خلصنا اختبار و كل شيء تقريبا الساعه ثلاث ونص , بعدها انتطرنا مكتبة بعد الصلاة حتى تفتح لانه فيه ملخص كنا بناخذه , في وقت الانتظار رحنا للمبني اللي فيه دكتور بسوي لنا مراجعه لمادة الرياضيات و شفنا شيء ....... فيه ناس بدات تحجز كراسي , سحقا وش ذا , المهم انا واصحابي حجزنا و حجزت انا كم كرسي زايد XD , صلينا العصر و اخذنا الاوراق من المكتبة و كل شيء .
الغذاء :
في ذا اليوم اكلت اكل بشكل غير طبيعي كانت في جوع شديد جدا رحنا اتغذينا ولما رجعت البيت اتغذيت مرة ثاني , و في كل مرة اكلت اكثر من المرة اللي قبلها :") , وبعد ما اكلت نمت بدون ما احس , و صحيت اليوم الثاني و جاتني صورة للاجابات من صحبي " الدافور " , و ما ودي اشوفها لاني ادري جبت العيد , الحمدلله على كل حال :"( .
النهاية ............. .
ليست هناك تعليقات:
إرسال تعليق