بسم الله الرحمن الرحيم
*** قومني سااي ادري اتاخر الموضوع ذي المرة بزايدة بس وش اسوي كنت بنظف غرفتي و كذا و فجأة بقدرة قادر طلعنا للطائف .
الاختبار التحفة الثالث والاخير " رياضيات " .......
اختبار الكل يقول انه سهل و بسيط و ماله داعي , بس انا اشوفه اختبار غبي و صعب و .... و.... سحقا له , اصلا عادي الحياة حلوه :") .
الاستعداد للاختبار :
بعد اختبار الفيزياء رجعت البيت و جلست ألعب و ارتاح , بين نهاية اختبار الفيزياء و بداية اختبار الرياضيات 48 ساعه بالضبط , صباح اليوم الثاني صحيت بدري الساعه ثمان تقريبا , و اختي كانت بتروح لدوامها و ما في غير انا اللي اوصلها وقلت خلاص خلني اكمل لعب و ارتاح و بعد الظهر اذاكر , و المشكلة في نفس ذا اليوم الدكتور مسوي مراجعه عامة للمادة في العصر , و تخيلوا الناس بدات تحجز اماكن من بعد اختبار الفيزياء , يعني من قبل وقت المراجعه بيوم بتقريبا :( , المهم انا و اصحابي حجزنا معهم .
جاه وقت المراجعه انا ذاكرت شوي في الظهر , رحت اخذت اصحابي معي للمراجعه , المراجعه تبدا اربع ونص و نحن وصلنا الساعه اربع و ربع , و كانت المفاجأة ....... , القاعه كانت جدا زحمة و مافي مكان و الدكتور قد بدأ المراجعه , و المكان اللي حجزناه شيء اكيد انه راح و ..... و..... و ...... , انا و اصحابي وش سوينا وقفنا اخر القاعه لا فيه شيء واضح ولا الصوت ينسمع :( , المهم ظلينا و اقفين شوي و بالصدفة فضي مكانين و نحن ثلاثة قلت لاصحابي يروحون و يجلسون ( الله إيثار XD ) المهم راحوا و جلسو و انا ظليت واقف مكاني و جلست اصور على اساس انه ممكن شيء يوضح ويعني الحمدلله فيه اشياء فهمتها شوي :) .
المذاكرة :
طبعا ترا ذا كل اللي فوق و انا ما ذاكرت شيء لسه , رجعت البيت ع المغرب كذا , و المغرب وقت راحتي ما ذاكرت شيء , بعد العشاء ذاكرت شوي و بدون ما احس طبعا نمت .... لاااااا سحقا موب وقته النوم , ما ذاكرت شيء :"( , صحيت الصباح بدري قبل الفجر تقريبا , حاولت اني اخلص اي شيء وقدرت الحمدلله خلصت الكتاب ( و الكتاب في الجامعه مرجع و ليس مصدر , يعني اذا ما فهمت شيء ارجع للكتاب يعني لا تعمتد عليه كثير خذ لك ملخصات و كذا و اهم شيء بنك الاسئلة ) المهم خلصت الكتاب و انا مدري وش بي عندي ثقة زايدة في الكتاب المهم قلت لصاحبي يرسل لي احد الاختبارات القديمة , ارسل لي و ...... تفاجأت حليت اول كم سؤال لكن في اسئلة تعتمد على اشياء موجودة في الكتاب بس انا ما توقعت انها مهمة و طنشتها , قلت لصاحبي يرسل لي الاشياء ذي لانه هو يذاكر من ملخصات و عنده دكتور خصوصي , ارسل لي و جزاه الله خير ما قصر حفظتها , و حليت الاختبار القديم .
و المقاطع اللي صورتها للدكتور و اللي كنت متوقع اني ما راح ارجع لها نهائيا , رجعت لها وصرااحه افادتني كثير :) .
قبل الاختبار :
اختباري يبدأ الساعه اربع و نص وذي المرة دوري انا اللي اخذ اصحابي و كانت فرصة لي اقول لهم على قوانيني و كانت ثلاثة " 1- انه انا ح اجلس حتى نهاية الوقت .
2- بعد الاختبار لما يركبون السيارة محد يتكلم عن الاختبار نهائيا حتى ما يسأل كيف كان الاختبار .
3- بعد الاختبار بتلقوني ان شاء الله في السيارة على طول . "
و الحمدلله اصحابي كانو متفقين معي :) , رحت اخذتهم قبل الوقت المتفق عليه XD , وصلنا الجامعه بدري قبل الاختبار بنص ساعه تقريبا , و كانت اسواء نص ساعه , انا كنت مذاكر و كذا , كنا ثلاثة واحد مننا كان " الدافور " و صراحه اقلقني , و الثاني كان موب دافور عادي بس انه فيه اشياء يبي يفهما و يبي " الدافور " يشرح له , المهم و " الدافور " يشرح له يقلقني كل شوي يقول اشياء غريبة , اول مرة اسمع بها , و ما انكر صراحه فيه اشياء افادتني في الاختبار و اشكره , بس موب كذا اكره المراجعه اللي كذا تلخني اتلخبط :( , و اكثر شيء كان مسبب لي الازعاج الاتصالات اللي تجي " للدافور " سحقا كل شوي واحد يدق عليه عشان يبغونه يغششهم او مدري وش , و انفتحت الابواب " هجوووووووم " .
الاختبار :
مثل العادة اول ما دخلنا المبنى تفرقنا انا و اصحابي و كلا بطريقه , دخلت القاعه اللي تعجبني و جلست في النهاية اخر شيء , بس ذي المرة ما اخذت معي الساعة الرقمية عشان اعرف كم بقي من الوقت بس حسبتها بساعتي الثانية اللي فيها عقارب و طلع فيها تقنية تعلمت كيف اوقتها XD , بدأ الاختبار و جلست احل ... و احل...... و احل ..... , وشخمطت في ورقة الاختبار وصار شكلها يجيب الهم , بس اهم شيء اني افهم منها و اعرف وين اجابتي :) , و خلصت الاختبار على نهاية الوقت ...... الحمدلله :) .
بعد الاختبار :
طبعا اخر اختبار تعرفون وش يعني اخرررر اختبار و بعدها اجازة " انها الحررررية " , ترا شيء جميل و يجعلني ابكي "") , بس استغفر الله مع الجامعه و الاختبار سحقا له ما صلينا العصر :( , صلينها مع المغرب , .....طبعا رحنا البحر و انبسطنا و دخلنا محل عجيب و جميل جدا كل اشيائه مستوردة و اشتريت لوح شكولاتة بالغلط , قلت لصاحبي يسال كم سعره راح اشتراه سحقا له , بس كان لذيذ :) , وبعدها " الدافور حقنا " جاع , لا فطر ولا تغذى سحقا له رحنا مطعم و اكلنا الحمدلله , و نحن راجعين للبيت " الدافور " بطنه عوره و يحتاج حمام , و اكتشفت شيء غريب انه ممكن توقف عند اي فندق و تدخل دورة المياه , المهم دخل " الدافور" دورة المياه " اكرمكم الله " و بعدها حركنا .
انبسطنا و خلصنا خلاص وصلنا للحارة و بوصل اصحابي و ارجع البيت و فجأة شعرنا بتأنيب الضمير انه ترا ما سوينا شيء وذا اخر يوم ما انبسطنا فيه تمام , المهم بعد التفكير ...... قررنا نروح نلعب " بولينغ :) " و في الطريق إلى " البولينغ " استغفرالله , الله يسامح اصحابي شغلنا اغاني و كذا , و " الدافور " بدات اشك في وضعه اول ما شغلنا اغاني حتى انتهينا وهو يرقص و يصفق XD , وشغلنا اغنية اسمها صعب " طيارة ورور مدري طيني ورور مدري وش اسمها " , المهم ورقصوا عليها اصحابي و اتوقع انها بصمة عار في حياتهم بالذات " الدافور " XD , و صلنا للبولينغ لعبنا و انبسطنا الحمدلله و بكذا انتهى اليوم بسلام الحمدلله .
النهاية ........... .
ليست هناك تعليقات:
إرسال تعليق