بسم الله الرحمن الرحيم
*** تدايما كلمة يابانية الاصل تعني " لقد عدت "
سحقا انقطعت فترة طويلة عن الكتابة بس ان شاء الله ح ارجع اكتب مثل اول :) , لدي الكثير من المواضيع لكي اكتب عنها , ساحاول قدر المستطاع ان اكتب , مدري بس كذا احس بحماس زايد للكتابة :) رغم انه وقت اختبارات بس هي كذا دائما ايام الاختبارات كل شيء يصير حلوه XD .
انقطعت عن الكتابة لاسباب كثيرة منها دخلت احد العوالم الجديدة , تعمقت اكثر في بعض العوالم , و الشيء الوحيد اللي كنت اتمنى اني اسويه و اتعلمه " لعبة الشطرنج " بس للاسف ما تعلمتها عرفت بس الاساسيات فقط :( , اااه صح و من اسباب انقطاعي ايضا واجهت بعض انواع التحطيم المعنوي و النفسي و كل شيء :"( .
عالم الفيجوال نوفل :
من اسمها فهي رواية ولكن رواية بشكل مختلف جدا , تعطيك القدرة في اختيار مجرى احداث القصة , وللمعلومية فهي على الحاسب الآلي , في الحقيقة انا ما تعمقت في ذا العالم كثير لانه يحتاج وقت كثير و لغة لانه اغلبها تكون انجليزي او يابانية , الصوت يكون ياباني لكن الكلام انجليزي .
في البداية كان واحد من اصدقائي يقول لي عليها و كذا كنت اتحمس وقتها بس موب ذاك الحماس اللي يخلني اجربها , طبعا ذا الكلام كان في الثانوية , بعد فترة لما دخلت الجامعة في بداية الترم الثاني تقريبا , تعرفت على واحد بتويتر و طلع مثل صحبي تقريبا يحب النوع ذا من الروايات المهم مع الوقت حمسني لها بالذات يوم عرفت انه فيه رواية لأنيمين مفضلين عندي " Umineko no NakuKoroni , Steins Gate " , و انمي " Umineko no NakuKoroni " قريب من رواية " و اختفى كل شيء " و انا احب ذي الرواية فتحمست اكثر , بس المشكلة كان وقت اختبارات كنت احاول امسك نفسي , لاني اعرف نفسي اذا بدات في شيء لازم اخلصه , و الفيجوال نوفل معروف عنها انها تاخذ وقت كثير .
و بعد الاختبارات بفترة على نهاية الاجازة بدات بــ " Umineko no NakuKoroni " بدات فيها بحماس فكنت بس عليها حتى احيانا ما كنت اتغذى تمام اكل شوي و ارجع اكمل , هي جزئين الجزء الاول اربعه فصول وصلت للفصل الثاني من الجزء الاول وبعدها بدات امسك نفسي و امشي شوي شوي لانها كانت تاخذ معظم وقتي , و حتى ذا اليوم و انا اقرأ فيها , ترا شيء جميل , لازم تجربونه ^^ .
الشطرنج :
الشطرنج لعبة من أول تعجبني و بالذات لما اشوف الناس يلعبونها اتحمس أكثر ، كنت مخطط اني اتعلمها و كذا , بس اول شيء و هو اللي خلني ما اتحمس لها كثير انه ما كنت اعرف الا واحد بس يلعبها , و احس بغباء يوم اني ألعب مع الكمبيوتر ، صح أنه فيه اون لاين و كذا بس ما ح يكون بروعة الواقع :) ، المهم بحثت عن قوانين اللعبة و ...و...و... و في النهاية ما تعلمت الشيء الكثير للأسف :( .
لكن بين فترة و فترة يجي لي حماس زايد و اقول " إلا واتعلمها " , و اللي حمسني اكثر انه و انا كنت اقرا لنوفل في البداية جات صورة للشطرنج و كان مكتوب انه من اول نظرة تعرف انه اللعبة خلاص انتهت و .. و ... و ... , المهم حسيت بغباء انه ليش انا ما عرفت اكره ذا الاحساس , كنت بشتري اللعبة اقصد اشتري لوح شطرنج بس افتكرت انه عندنا واحد بس كان صغير قلت موب مشكلة على الاقل اجرب عليه بدل ما اتعب و اروح ابحث من وين اشتريه , بعد ما طلعته و تعبت و نظفته , افتكرت اني كنت افتح الشطرنج في كلاس الحاسب رحت رجعت اللوح , وفتحت اللعبة في الكمبيوتر XD , مع اني ما كنت بلعبها على الكمبيوتر بس الظروف اجبرتني , بس قهر ما عرفت العبها مضبوط كنت اخذ مبتدئ و فوق كذا الكمبيوتر يفوز علي :( , فتعلمت الاساسيات و بس :"( .
و من الاشياء بعد اللي خلتني انقطع عن المدونة رجعت اتابع بعض الانميات الاسطورية اللي ما تابعتها من اول :") , اااه صحيح و التحطيم المعنوي و النفسي اللي جاء لي بعد هو اللي خلني انقطع بزيادة :"( .
*** بالمناسبة الى من حاولوا ان يحطموني " سأظل اكتب و اكتب , حتى لو كان ما اكتبه جارح لقريب لي , سبق و ان قلت لن اعيركم اهتمامي " .
النهاية ....... .
الموضوع الجاي ان شاء الله ح اكتب عن " لماذا لم تنصحني ؟!! "
الشطرنج لعبة من أول تعجبني و بالذات لما اشوف الناس يلعبونها اتحمس أكثر ، كنت مخطط اني اتعلمها و كذا , بس اول شيء و هو اللي خلني ما اتحمس لها كثير انه ما كنت اعرف الا واحد بس يلعبها , و احس بغباء يوم اني ألعب مع الكمبيوتر ، صح أنه فيه اون لاين و كذا بس ما ح يكون بروعة الواقع :) ، المهم بحثت عن قوانين اللعبة و ...و...و... و في النهاية ما تعلمت الشيء الكثير للأسف :( .
لكن بين فترة و فترة يجي لي حماس زايد و اقول " إلا واتعلمها " , و اللي حمسني اكثر انه و انا كنت اقرا لنوفل في البداية جات صورة للشطرنج و كان مكتوب انه من اول نظرة تعرف انه اللعبة خلاص انتهت و .. و ... و ... , المهم حسيت بغباء انه ليش انا ما عرفت اكره ذا الاحساس , كنت بشتري اللعبة اقصد اشتري لوح شطرنج بس افتكرت انه عندنا واحد بس كان صغير قلت موب مشكلة على الاقل اجرب عليه بدل ما اتعب و اروح ابحث من وين اشتريه , بعد ما طلعته و تعبت و نظفته , افتكرت اني كنت افتح الشطرنج في كلاس الحاسب رحت رجعت اللوح , وفتحت اللعبة في الكمبيوتر XD , مع اني ما كنت بلعبها على الكمبيوتر بس الظروف اجبرتني , بس قهر ما عرفت العبها مضبوط كنت اخذ مبتدئ و فوق كذا الكمبيوتر يفوز علي :( , فتعلمت الاساسيات و بس :"( .
و من الاشياء بعد اللي خلتني انقطع عن المدونة رجعت اتابع بعض الانميات الاسطورية اللي ما تابعتها من اول :") , اااه صحيح و التحطيم المعنوي و النفسي اللي جاء لي بعد هو اللي خلني انقطع بزيادة :"( .
*** بالمناسبة الى من حاولوا ان يحطموني " سأظل اكتب و اكتب , حتى لو كان ما اكتبه جارح لقريب لي , سبق و ان قلت لن اعيركم اهتمامي " .
النهاية ....... .
الموضوع الجاي ان شاء الله ح اكتب عن " لماذا لم تنصحني ؟!! "
ليست هناك تعليقات:
إرسال تعليق