بسم الله الرحمن الرحيم
المعلمين من زمن لزمن يخلتفون و انا للاسف كانت لي تجارب مع المعلمين سيئين و مرضى نفسين , اتوقع انهم كانوا يعانون من العنف الاسري XD .
ثاني ابتدائي انا وصاحبي ما نحب نلعب كرة فكنا نجلس في الفصل الجميل تحت المكيف بارد و نطفي الانوار و الجو يكون حلوه حق نوم يعني بس نحن كنا ننكت و نضحك و كذا ولا شوي , يدخل علينا مدرس مدري وش يبغى وش دخله اصلا , الشر كان واضح عليه في عينه سحبني انا و صاحبي من الفصل و ياريت من يدنا ولا من اي مكان لا , الشرير سحبنا من " السوالف " ( السوالف الشعر اللي عند الاذن ) وسحبنا حتى فصله و لسه مازال حاقد علينا كأننا فعلنا جريمة ولا شيء رجع لنا من فصله و معه عصى شكلها لحاله يبكي و ضربنا حسبي الله عليه انا و صاحبي , جلسنا نطالع في بعض نظرة تسأل ليش يضربنا وش سوينا نحن له ( ماقلت لكم انهم مرضى نفسين ) , انا جلست اقول لنفسي " اصلا عادي ما تعور " كررتها داخل نفسي حتى راح الالم :""( , هذا غير اللي كان يدخل علينا و كل علامات الشر في وجهه و يضرب كل الطلاب حتى انا :"( لانه الفصل كان مشاغب , طيب انا وش سويت انا شكلي اصلا لحاله يحزن يقوم يضربني " مدرسين ليس في قلبهم رحمة :""( " , و كثير تصير لي ذي الحركة .
عدت الايام مع المدرسين النفسين في الابتدائي وعرفت اتجنبهم هم و نفسياتهم اللي مدري كيف جايه الحمدلله على كل حال , قبل ما اروح للمتوسطة اخوي صار له حادث , و جلس في البيت و اخذ اجازة مرضية اتوقع او شيء من كذا , المهم انتهت اجازته و صار يداوم للمتوسطة حقته و كنت انا في الابتدائي , كنت اشيل عنه شنطته و احطها في فصله لانه هو بالعافيه يطلع الدرج ومعه عكازه , و اخوي اللي يوصلني ينتظرني تحت عن المدرسة , وفي يوم من الايام الكئيبة و التعيسة قابلت مدرس في مدرسة اخوي المتوسطة وسلم علي و سألني " انت صف كم ؟! " , صراحه ما افتكر صف كم كنت وقتها , بس اللي افتكره انه قال لي " باقي لك مشوار حتى تجي عندنا " كان شكل المدرس انيق و لطيف و جميل حتى طريقة كلامه كانت جميلة , سألت اخوي عنه , قالي " انتبه منه انت ما تعرفه " قلت له طيب واضح انه طيب و كذا ولكن مع الايام ...... لما رحت للمتوسطة ( طبعا نحن عندنا عادة المدرسة اللي يدخلها اكبر واحد في العائلة الكل يدخله وراه , الا اخوي الصغير كان خارج عن ذي القاعدة مدري ليش ) و قابلت المدرس نفسه , " رأيت انسان بل احد الحيوانات النادرة التي على هيئة البشر كان حيوانا معروفا , وحش وجهه مليئ بالحقد و الكره , اختفى كل الجمال الذي رايته عندما قابلته اول مرة ورأيت كم هو حيوانا بشع " , و طبعا بس الدوافير الحمقاء هم من يحبونه , لو تحدثت عنه لن اتوقف ابدا بسبب ما اكن له كمية كبيرة من الحقد و هو يستحق ذلك و اكثر , و في خيالي ارى نفسي اضع قدمي على راسه و اقول له " لقد حان دوري ايه المسخ القذر هاهاهاها " , عشان كذا احب خيالي :) .
" طفشت من المعلمين و جاه وقت الانتقام هاهاهاهاهاها " , لا لا امزح , انا دائما اصلا اضرب و افرش و اسدح المعلمين ارضا في خيالي , الا اثنين مساكين ما كنت افكر اني اضربهم حتى لو بالخطأ بس للاسف ضربتهم XD , في المتوسطة مدرستي كانت تجبر طلابها انهم يلبسون غترة في طابور الصباح و انا لما ألبسها يطلع شكلي ...... " لا تعليق الحمدلله عدت ذيك المرحلة الكئيبة " , فكنت ما ألبس الغترة الا لما اوصل للباب و بعدها افصخها بسرعه , لدرجة اني ما اغسل الغترة اخلها في الشنطة حتى يصير لونها اصفر لانه اصلا محد بيشوفها , جلست على ذي الحال ممكن سنة او سنتين , حتى جاه مدرس و كانه يقول " لقد طفح الكيل منك ايه الطالب " جلس لي كل شوي يعدي من جنبي و يقول لي ألبس الغترة و دائما اقول له " طيب " ولا ألبسها طفشته , حتى جاه يوم و ضربته ضربة اتوقع انه ما ينساها ( تعرفون ذاك التمرين اللي " امام , فوق . جنب , تحت و مدرس الرياضة يتحمس معه مدري ليش احس كانه شايف فيلم اكشن :\ ) كنت انا بسوي ذا التمرين و جاه المدرس ذا اللي كل شوي يقول لي " ألبس الغترة " بيعدي من بين الطلاب و المدرسة ضيقة شوي يعني النحيف يالعافية يعدي , و المدرس ذا كان دب و قصير , و انا لما كنت بتفاعل مع مدرس الرياضة هو و فلمه الاكشن , " امام , فوق , جنب ..... طططععع " ضربت المدرس بعينه مسكين XD , ما قال لي شيء بس انا جلست اضحك حاولت امسك ضحكتي بس ما قدرت المهم الحمدلله ما سوا لي شيء .
اما المدرس الثاني اللي ضربته صراحه هو اللي بدأ موب انا , خلاص على اخر ايام الثانوية خلصنا اغلب المناهج بس " المدير النفسية " الا يبغى الطلاب يداومون سحقا له , و المشكلة المدير ما منه داعي احس الوكيل هو اللي كان ماسك المدرسة ما شاء الله عليه , المهم دخل المدرس ذا فصلنا هو كان يدرسنا و خلص المنهج و كل شيء يعني الحصة فاضية , دخل علينا و جلس يتكلم مع الطلاب و انا ما احب هرج الطلاب احسه غبي و سامج و المشكلة في ذا الوقت معرف وش اسوي :( , المدرس جلس اخر الفصل مع الطلاب و انا كنت في بداية الفصل تقريبا و عادتا كانوا الطلاب يأذوني و يمسكون شعري و انا اكره ما عندي اي احد يمسك شعري مدري ليش بس كذا , فكنت اضربهم على طول في وقتها اللي يجيه , بكس في بطنه و اللي يجيه .... ما يهمني , اهم شيء انه ينضرب و اغلب الاحيانا يكون بكس في البطن , وقتها اتوقع المدرس كان طفشان ولا كانت مأمرة علي , جرب انه يمسك شعري و اتوقع انها كانت اسوأ تجربه له :) , مسك شعري , المشكلة ما مسكه و فلته لا مسكه و شده , و انا مثل العادة على طول بدون ما اطالع " ططططععع بكس في البطن " و حست انه في شيء غريب الكرشة ذي اول مرة اضربها , فيه شيء خطأ سمعت كلمة " أأأأأأي " , الفصل كان ازعاج بس فجأة هدأ اختفى الازعاج كله , قلت اكيد فيه شيء خطأ , المهم قلت لازم اشوف من ذا ....... طالعت ..... عادتا اشوف وجه الطالب لانهم كانوا قصار شوي بس ذا اللي ضربته ما شفت راسه , رفعت راسي شوي لقيته " المدرس ", طبعا اول ما شفته جلست اضحك و اعتذر له هو مسكين من الالم اللي جاه حاول انه يضحك , و بعدها سحب نفسه و رجع لمكانه عند السبورة XD , صار مدرس لطيف , و مدري وش صار بعدها .
*** طبعا كل اللي ضربتهم كانوا مدرسين رياضيات XD .
النهاية .............. .
ليست هناك تعليقات:
إرسال تعليق