اين ذهبت يا أخي ؟!

بسم الله الرحمن الرحيم 

       بالعادة انا اللي اسوي اكشن بالبيت , مرة اكون شرير مرة اكون خطير مرة اسوي اشياء غبية , ادخل البيت مثل الحرامية , انام برا البيت , اتاخر , اتعاقب ........ كل شيء , بس ذي المرة اخوي الصغير اخذ الاضواء مني .

           يوم من الايام , بعد دوام جامعي متعب و مخيس و ... و .... و , رجعت البيت , يوم طبيعي اغير ملابسي اشغل المكيف اخذ اللاب و اجلس عليه , .......... يوم طبيعي جدا , بس ما ادري له كذا حسيت بتعب غير طبيعي في العصر و نمت اهلي حاولوا يقوموني بس ما في فايدة مدري كان نوم عميق جدا , شيء غريب بالعادة ما يصير معي كذا , المهم نمت من العصر حتى العشاء , اخوي الصغير راح يصلي العشاء في المسجد لحاله بالعادة يكون احد معه , المهم بس وقتها انا كنت نايم و ماكان فيه احد , بعد الصلاة يمكن بعشر دقايق امي تصارخ علي " قم قم شف اخوك وين راح الصلاة خلصت من اول  " .

       في البداية ما فهمت , الحلم على الواقع كلهم تداخلوا مع بعض صيرت معرف ذا حلم و لا حقيقة , قمت جلست سمعت كلام امي و بعدها امي راحت على اساس اني قمت من النوم , بس امي راحت انا رجعت نمت , ولا شوي ترجع امي وتصارخ ثاني , وقتها انا صحيت و فهمت الوضع و كذا .

        على  طول قمت من النوم لا غسلت وجهي ولا شيء نزلت الشارع ابحث عنه , و كان شكلي مثل " الزومبي " ولد الجيران كان بالشارع سملت عليه من بعيد ما رد احس كاني فجعته XD , و اخوي الكبير شغل سيارته و حرك ، انا رحت للمسجد قلت شكل اخوي قاعد مع مدرسه يتكلمون و كذا و انا رايح للمسجد ، جات في بالي أفكار كثيرة ، تخيلت لو من جد اخوي انخطف وش اللي بيسير الخاطف بيطلب فدية ؟! , و لا خلاص خطف اخوي ، خلاص معد بنسمع عنه ، على طول فكرت في الإيجابيات ، مثلا خلاص معد يصير فيه ازعاج هدوء راحة و كل شيء :).

          وصلت المسجد كانت الابواب مفتوحة و الأنوار شغالة قلت خلاص اخوي شكله داخل ، فتحت الباب ما لقيت أحد ، قلت وين ممكن اخوي يروح يعني ؟! ممكن البقالة , و انا راحع للبيت عشان اقول لامي اني مالقيته , فجاة جوالي يرن , الاتصال من امي رديت قالت لي " خلاص ارجع اخوك الصغير رجع " قلت لها طيب خلاص و في الطريق قابلت اخوي الكبير و قلت له خلاص رح كمل مشوارك لانه هو كان عنده مشوار , كملت طريقي للبيت و اتفاجأ انه ولد الجيران ما زال بالشارع امام باب بيتهم ينظار في من اول و معالم وجع شيء ثاني كان يدخن بس لما شافني وقف تدخين XD  , من حقه صراحه شاف واحد كانه شارب له شيء و رايح للمسجد بعد ما خلصت الصلاة XD .

وصلت البيت شفت اخوي الصغير و سألته وين كنت ؟! , رد علي " كنت بالسطح " , طبعا في البداية عصبت و قلت في نفسي " في السطح اجل ها " , و بدا يبرر اخوي سببه , وفي النهاية السبه طلعت كلها من احد الجيران يبي يصلح الدش حقه , الله يعينه يا انه جاته دعوات من امي XD .


النهاية ......


المواضيع الجاية ان شاء حتكون تكملة ل " الاختبار التحفة #4 "